Norway Chess—2023. Нодирбек Абдусатторов блиц йўналишида ғолибликни қўлга киритди. 30 май куни классик йўналиш баҳслари старт олади

Шахмат бўйича Norway Chess—2023 мусобақасида 29 майдан 9 июнга қадар ўтказилади.

Мусобақанинг дастлабки кунида блиц йўналиши бўйича баҳслар ўтказилди. Тўққизта уринишда 6 очко тўплаган Нодирбек Абдусатторов блиц баҳслари ғолибига айланди ва классик тўқнашувларда биринчи рақам остида сараланди.

Ўзбекистонлик гроссмейстер Фабиано Каруана, Арян Тари, Уэсли Со, Аниш Гири ва Гукеш Доммаражуни мағлубиятга учратди. Шахриёр Мамедяров ҳамда Алиреза Фирузжа билан дуранг ўйнаган бўлса, Ҳикару Накамура ва Магнус Карлсенга ютқазиб қўйди.

30 май кунида классик йўналишдаги баҳслар бошланади. Қуйида блиц натижалари  билан танишинг:

1. Нодирбек Абдусатторов (Ўзбекистон) — 6
2. Алиреза Фирузжа (Франция) — 5,5
3. Шахриёр Мамедяров (Озарбайжон) — 5,5
4. Ҳикару Накамура (АҚШ) — 5
5. Уэсли Со (АҚШ) — 5
6. Фабиано Каруана (АҚШ) — 5
7. Магнус Карлсен (Норвегия) — 4,5
8. Аниш Гири (Нидерландия) — 3,5
9. Арян Тари (Норвегия) — 2,5
10. Гукеш Доммаражу (Ҳиндистон) — 2,5

Абдусатторов классик йўналишидаги баҳсларни Аниш Гирига қарши партия билан бошлайди. Иккинчи раундда унга Арян Тари рақиб бўлади.

Мусобақанинг умумий соврин жамғармаси 225 минг долларни ташкил қилади. Ғолиб 67,5 минг долларга эга бўлади.