Ўзбекистон U-20 терма жамоаси бугун тунда Жаҳон чемпионати 1/8 финалида ўйнайди

Футбол бўйича ёшлар ўртасидаги Жаҳон чемпионатида 30 май куни нимчорак финал учрашувлари бошланади.

Ўзбекистон U-20 терма жамоаси 1/8 финалда Исроилга қарши баҳс олиб боради. Ўйин Ўзбекистон вақти билан 30 майдан 31 майга ўтар кечаси 02:00 да бошланади.

Мазкур жуфтлик ғолиби чорак финалда Бразилия — Тунис учрашуви ғолибига қарши ўйнайди.

Равшан Ҳайдаров жамоаси Исроилга қарши ўйинда тўлиқ оқ либосда ҳаракат қилади. Учрашувни Фалькон Яел бошчилигидаги аргентиналик ҳакамлар гуруҳи бошқариб боради.

Нимчорак финалнинг барча жуфтликлари билан танишинг:

30 май, сешанба

• АҚШ — Янги Зеландия 22:30
• Ўзбекистон — Исроил 02:00

31 май, чоршанба

• Бразилия — Тунис 22:30
• Колумбия — Словакия 22:30
• Англия — Италия 02:00
• Эквадор — Жанубий Корея 02:00

1 июнь, пайшанба

• Гамбия — Уругвай 22:30
• Аргентина — Нигерия 02:00