U-20 ЖЧ—2023. Ўзбекистон ёшлари Гватемала устидан ишончли ғалабани қўлга киритди ва плей-оффга йўл олди

Футбол бўйича ёшлар ўртасидаги Жаҳон чемпионати 3-турида Ўзбекистон U-20 терма жамоаси 26 май куни Гватемалага қарши баҳс олиб борди.

Учрашувнинг 9-дақиқасидаёқ ҳисоб очилди. Шаҳзодбек Неъматжонов ўзбекистонликларнинг дастлабки голига муаллифлик қилди. 21-дақиқада эса Неъматжонов дублни расмийлаштирди. Биринчи бўлим 2:0 ҳисоби билан якунланди.

Иккинчи бўлимда ҳам Ҳайдаров шогирдлари ҳужумкорликни йўқотмади. 81-дақиқада Нодирбек Абдураззоқов дарвозани ишғол қилганди. Бироқ, ушбу гол ўйиндан ташқари ҳолат туфайли бекор қилинди. Қолган дақиқаларда гол урилмади ва Ўзбекистон ёшлари ғалабани ўзиники қилди. 

А гуруҳининг иккинчи ўйинида Аргентина Янги Зеландияни 5:0 ҳисобида мағлуб этди. Шу тариқа Аргентина 9 очко билан гуруҳ етакчиси сифатида плей-оффга йўл олган бўлса, Равшан Ҳайдаров жамоаси 4 очко билан 2-ўринни эгаллади ва кейинги босқичга йўл олди.

U-20 ЖЧ—2023

3-тур баҳси

26 май, жума

Ўзбекистон U-20 — Гватемала U-20 2:0

Голлар: 1:0 — 9 Шаҳзод Неъматжонов, 2:0 — 21 Шаҳзод Неъматжонов.

Ўзбекистон U20: 12. Асрорбек Кенжаев, 3. Абдуқодир Ҳусанов, 4. Абубакир Ашуров, 6. Жаҳонгир Ўрозов, 8. Беҳрузбек Асқаров (15. Диёрбек Ортиқбоев, 65), 9. Шаҳзод Неъматжонов (17. Нодирбек Абдураззоқов, 71), 10. Умарали Раҳмоналиев, 11. Шерзод Эсанов, 13. Зафармурод Абдираҳматов (2. Иззатилло Пўлатов, 82), 14. Аббос Файзуллаев (7. Пўлатхўжа Холдорхонов, 46), 20. Маҳмуджон Маҳамаджонов (18. Саидафзалхон Аҳроров, 65).

Гватемала U-20: 12. Хорхе Морено, 2. Рендалл Корадо, 5. Ариан Ресинос, 7. Даниэль Кардоза, 8. Нестор Кабрера, 9. Жеффри Баттес, 10. Архимидес Ордонес (19. Андерсон Виллагран, 46), 14. Жонатан Франко, 16. Иэшуа Уризар, 18. Эдди Паленсия (11. Руди Мунос, 65), 20. Фигу Мотано.

Огоҳлантиришлар: Беҳрузбек Асқаров (5), Умарали Раҳмоналиев (39), Шерзод Эсанов (58), Иэшуа Уризар (75), Пўлатхўжа Холдорхонов (90+2).