Рекорд даражадаги пуллар. Ролан Гаррос—2023 мусобақасининг умумий мукофот жамғармаси маълум қилинди

Францияда 26 майдан 11 июнга қадар теннис бўйича “Улкан тож” туркумига кирувчи Ролан Гаррос мусобақаси ўтказилади.

Франция очиқ чемпионатининг жорий йилги умумий соврин жамғармаси 49,6 миллион еврони ташкил қилди. Бу мусобақа тарихидаги рекорд натижа ва ўтган йилгига нисбатан 12,3 фоизга кўпроқ.

Қуйида яккалик мусобақалари доирасидаги совринлар миқдори билан танишиш мумкин:

• Биринчи давра — 69 минг евро
• Иккинчи давра — 142 минг евро
• 1/8 финал — 240 минг евро
• Чорак финал — 400 минг евро
• Ярим финал — 630 минг евро
• Финал — 1,15 миллион евро
• Чемпион — 2,3 млн евро

Шунингдек, жорий йилги мусобақада саралаш баҳслари учун катта миқдорда пуллар ажратилган:

• Биринчи саралаш — 16 минг евро
• Иккинчи саралаш — 22 минг евро
• Учинчи саралаш — 34 минг евро

Жуфтлик баҳслари соврин жамғармаси эса қуйидаги кўринишни олган:

• Биринчи давра — 17 минг евро (жамоа учун)
• Иккинчи давра — 27 минг евро
• 1/8 финал — 43 минг евро
• Чорак финал — 80 минг евро
• Ярим финал — 148 минг евро
• Финал — 295 минг евро
• Чемпион — 590 минг евро

Ролан Гарроснинг эркаклар тоифасида амалдаги чемпиони Рафаэль Надаль ушбу мусобақани жароҳат сабаб ўтказиб юборади.