Кўз остидаги қизғиш доғлар организмнинг хавотирли белгиларидан биридир. Гап шундаки, кўпинча бу косметик нуқсон соғлиқ муаммоларини кўрсатади. Бунинг сабабини аниқлаш ва у билан курашиш орқали сиз қизаришдан қутуласиз.
Кўз остидаги доғларнинг сабаблари
Кўз атрофидаги қизғиш доғлар баъзан буйраклар билан боғлиқ муаммоларни кўрсатади. Бу ҳолда терапевтга мурожаат қилинг, текширувдан ўтинг. Сувни камроқ ичишингиз, шўр, қизариб пишган ва аччиқ овқатлардан воз кечишингиз керак бўлиши мумкин.
Аллергик реакциядан ҳам кўз остида қизариш пайдо бўлади. Сўнгги пайтларда нималардан фойдаланаётганингизни ўйлаб кўринг. Балки терини парвариш қилишда крем, гел ёки ниқоб каби бирор нарсани ўзгартиргандирсиз. Аллерголог билан маслаҳатлашинг, антигистаминларни қабул қилишни бошланг.
Зарарли одатлардан воз кечинг, тоза ҳавода тез-тез юринг, соғлом турмуш тарзини олиб боринг, асабийлашмасликка ҳаракат қилинг.
B витамини етишмаслиги туфайли кўз остидаги тери қизариб кетиши ҳам мумкин. Шунинг учун ҳар куни жигар, сут, пишлоқ, дон ва балиқ истеъмол қилинг. Ушбу витаминни ўз ичига олган витамин ва минерал комплексларни ва косметик машулотларни эътиборсиз қолдирманг.
Кўз остидаги қизғиш доғлар учун халқона даво чоралари
Керак бўлади:
- хом картошка;
- петрушка;
- озиқлантирувчи крем;
- қайнатилган череда ўсимлиги;
- барра бодринг;
- буғдой уруғи ёғи.
Кўз остидаги қизаришдан қутулиш учун картошка ниқобидан фойдаланинг. Хом сабзавотни қирғичдан ўтказинг, ҳосил бўлган массани дока матосига ўраб ёпиқ кўзлар устига қўйиб, 10 дақиқа давомида кутинг. Ниқобга майда тўғралган петрушка қўшишингиз мумкин.
Ушбу косметик нуқсонни бартараф қилиш учун шифобахш череда ўсимлигининг қайнатмасидан фойдаланинг. Сиз уни музлатиб, музни терининг муаммоли жойларига қўлласангиз бўлади. Ўсимлик қайнатмасидан компресс қилинг. Бунинг учун эритмада пахта ёстиғини намланг ва кўзларингизга суртинг.
Бодрингдан фойдаланинг. Бир ош қошиқ майдалаб тўғралган бодрингга 2-3 томчи буғдой ёки шафтоли мойи қўшинг. Олинган массани докага ўраб ёпиқ кўзлар устига суртинг.
Кўз остидаги қизил доғлар билан курашиш учун контрастли муолажалардан фойдаланинг. Ювиш кунига камида 8 марта амалга оширилиши керак. Агар кўз остида қизариш пайдо бўлишининг сабаби баъзи касалликлар бўлса, халқона табобат бу ҳолда натижа бермайди. Сиз дори-дармонлар билан даволанишингиз керак.
Изоҳ (0)