Кўз остида қора доғларнинг ҳосил бўлиши фақат уйқусизлик, чарчоқ ва ёш билан боғлиқ эмас. Қора доғларнинг турли сабаблари бор. Яхшики, бу сабабларнинг кўпчилигини осонгина йўқ қилиш орқали кўз остидаги қора доғлардан халос бўлишнинг иложи бор, деб ёзади “Новий очаг“ нашри.
Ёнбошлаган ҳолда ёки қорин билан ухлаш
Етарлича ухласангиз ҳам, эрталаб кўзгуда “нотаниш панда”ни кўряпсиз. Бунга сабаб нима? Нотўғри ҳолатда ёнбош ёки қорин билан ухлаш. Чалқанча ухлашни ўрганинг. Эрталаб юзингиз шишиб кетгандек кўринса, кўзларингиз атрофида чизиқлар пайдо бўлса, бошингизни баланд кўтариб туриши учун катта ёстиқ сотиб олинг.
Ultraбинафша нурдан зарарланиш
Агар ултрабинафша нурларидан ҳимояланмаган ҳолда кўчага чиқишга одатланган бўлсангиз, кун келиб кўзлар пастида қора доғлар пайдо бўлишини кутинг. Бу ерда оддий пигментация ишини бажаради, бошқа ҳеч нарса.
Туз ёки кофеинни кўп истеъмол қилиш
Тушлик пайтидаги жуда шўр таомлар эрталаб уйғонганда кўзларингиз остида сезиларли қора қопчалар пайдо қилади. Чунки буйраклар тун бўйи фавқулодда ҳолат режимда ишлаган бўлади. Худди шу таъсир кофеиннинг кучли дозаларини истеъмол қилишганда сезилади.
Тўғри танланмаган косметика
Ҳа, ҳа, албатта, косметика юздаги камчиликларни ёпиб кўрсатиши керак, фақат у тўғри танланган бўлсагина фойдали. Пардозлаш сумкасидаги бирон бир маҳсулот сизга мос келмаса, терида тирналиш хусусияти ва ҳатто, қорайиши сезилиши мумкин. Бундан ташқари, қора доғлар нафақат сизга мос келмайдиган тери маҳсулотларидан, балки сифатсиз туш ёки кўз қаламидан ҳам пайдо бўлиш эҳтимоли йўқ эмас.
Кўзни кўп ишқалаш одати
Кўзларни қанчалик тез-тез ишқаласангиз ёки қичисангиз, қора доғлар пайдо бўлиш хавфи шунчалик юқори бўлади. Бирор сабабга кўра кўз атрофида қичишиш ва тирналиш хусусиятини ҳис қилсангиз, иложи борича тезроқ шифокорга мурожаат қилинг, балки, кўз инфекцияларидан бирининг белгисидир.
Компьютерда узлуксиз ишлаш
Компьютер қаршисида кўп вақт ўтиришга тўғри келса, бу кўз атрофида жойлашган қон томирлар юкини кўпайтиради, натижада улар кенгаяди. Шу боис уларнинг ёнидаги тери қуюқроқ рангда кўринади. Бунга йўл қўймаслик учун имкон қадар тез-тез кичик танаффуслар қилинг: камида ярим дақиқа. Кўзларингизга дам олиш ва тикланиш имкониятини беринг.
Суюқликни ушлаб туриш
Кўзлар остида қора доғлар пайдо бўлишининг энг кенг тарқалган сабаби танадаги суюқликнинг нормал айланишининг бузилишидир. Бунга гормонлар билан боғлиқ муаммолар, мунтазам шўр таомлар истеъмоли, буйрак, қалқонсимон без, юрак фаолиятининг бузилиши, ҳатто, об-ҳавонинг ўзгариши ҳам сабаб бўлиши мумкин (масалан, нам иссиқлик кўз остида қора доғлар пайдо бўлиши учун жуда қулай шароит).
Аллергия
Кўз остидаги қора доираларнинг яна бир сабаби — умумий аллергия. Биринчидан, беморлар кўпинча қичишиш ёки қуруқликдан халос бўлиш учун кўзларини ишқалайдилар, иккинчидан, аллергия хуружи пайтида организм кўп миқдорда гистаминлар ишлаб чиқаради, бу қон томирларни, жумладан кўз остида жойлашган майда капиллярларни кенгайтиради.
Мавзуга доир:
Изоҳ (0)