IT Park University талабалари IT-маҳсулотлари ишлаб чиқиш бўйича жаҳон етакчиларидан бири бўлмиш, EPAM компаниясининг европа офисларида иш қандай йўлга қўйилганини гувоҳи бўлишди, шу билан бирга, бир қатор семинар ва тренингларда қатнашишди. Сафар университет томонидан тўлиқ молиялаштирилди.
Апрель ойида, IT Park University'нинг 8 нафар 1-курс талабалари Литва ва Польшада амалиёт ўташди. Иштирокчиларни академик натижалари ва мотивацион видеоларига асосланган ҳолда саралаб олишди. Амалиёт университетнинг ҳаммуассис-компанияси EPAM офисларида бўлиб ўтди. IT Park University Президент Шавкат Мирзиёев топшириғига биноан, халқаро даражадаги IT-мутахассисларни тайёрлаш мақсадида ташкил этилган.
IT Park University амалиётга йўналтирилган университет бўлганлиги сабабли, унинг талабалари биринчи курсданоқ амалиёт ўташни бошлайдилар. Энг яхши талабалар учун EPAM'нинг Европа ва Америкадаги офисларига ташриф буюриш имконияти мавжуд.
Умид Қўчқорбоев, талаба:
— Бир йил аввал, таклиф этилган мутахассисликлар манзур бўлганлиги туфайли, IT Park University'га ўқишга кирдим. Хусусан, мен баcк-энд ишлаб чиқиш билан шуғулланмоқчиман. Бу ерда ўқиш қизиқарли. Ҳар душанба психологик тренинглар ўтказилади, шанба кунлари футбол ўйнаймиз, шунингдек, мунтазам равишда киберспорт машғулотларини ўтказиб турамиз. Мен - IT Park University киберспорт клуби президентиман.
Амалиёт Польшанинг Краков шаҳрида бўлиб ўтди. Бу менинг чет элга бўлган биринчи сафарим. IT-мутахассисларининг ҳаётини ичкаридан кўриш қизиқ бўлди. Энди мен ажойиб маҳсулотлар устида ишлаш учун, малакали дастурчи бўлишни янада кўпроқ хоҳлаяпман.
Workshop'лар ва семинарларни олиб борувчилар EPAM амалиётчи-мутахассислари бўлишди. Топшириқлар устида талабалар интернационал жамоаларда ишлашди. Амалиётга Ўзбекистон, Литва, Польша, Беларусь, Украина, Россиядан вакиллар ташриф буюришди.
Жавоҳир Маҳкамов, талаба:
– Дастлаб мен Кореядаги университетга ўқишга кирдим, у ерда “Бизнес менежменти” йўналиши бўйича ўқидим, лекин кейин мутахассислигимни ўзгартиришга қарор қилдим. Мен IT Park University'ни танладим, чунки болалигимдан IT'га қизиқиш бор эди ва бу ерда дарслар инглиз тилида олиб борилади. Яна бир муҳим тарафи: масофавий ва эркин тарзда ўқиш мумкин. Мени Фарғонада ишим бор, уни ташлаш ниятим йўқ. Мослашувчан жадвал ва гибрид таълим шакли туфайли мен университетдаги ўқишимни ва ишимни биргаликда олиб бора оламан.
Амалиёт - бу EPAM'нинг кучли мутахассислари ва бошқа мамлакатларнинг энг яхши талабалари билан танишиш имкониятидир. Мен уни Вилнюсда (Литва) ўтадим. EPAM офисидаги файзли ва дўстона муҳит ёқди. Workshop жуда фойдали бўлди, унинг давомида EPAM School of Digital Engineering директори, прожеcт-менежери ва HR менежери энг оммабоп IT йўналишлари ҳақида батафсилроқ айтиб беришди.
Талабалар SQL|Database, синовдан ўтказиш, Java, Phyton, бизнес-таҳлили, Agile, Frontend, soft scills, DevOps бўйича семинарлар, ҳакатонлар, тренингларда қатнашдилар.
Умид Қўчқорбоев, талаба:
— Менга энг ёққани, Java бўйича семинар ва тизимларни қўлда ва автоматлаштирилган синовдан ўтказиш бўйича ўтказилган тренинг бўлди. Жава-wоркшопъда бизнинг жамоамиз қаҳва машинаси учун консол иловасини ишлаб чиқди ва синов пайтида биз сайтдаги носозликларни изладик. Ўқитувчилар материални қисқа ва аниқ тушунтириб бордилар.
Жавоҳир Маҳкамов, талаба:
— Айниқса, Java бўйича ҳакатон эсда қоларли бўлди, биз университетда айнан шу дастурлаш тилини ўрганяпмиз. Ҳакатон доирасида бизнинг жамоамиз машҳур “Илон” ўйини учун алгоритмларни яратди. Бошқа талабалар билан ўзаро алоқа қилиш ва билим алмашиш қизиқарли бўлди. Бундан ташқари, агиле бўйича тренинг ҳам ёқди, илгари бу атама билан таниш эмас эдим. Ушбу тренингнинг вазифаси, ишни жамоа аъзолари ўртасида энг самарали тарзда тақсимлаш орқали пицерия очиш эди.
Garage EPAM - ғоялар синовдан ўтказиладиган, прототиплар яратиладиган ва новаторлик концепциялари ишлаб чиқиладиган лабораториясига иккала гуруҳ ҳам ташриф буюришди. Бу ерда гараж стартапларига хос бўлган эркинлик ва тажриба руҳи ҳукм суради.
Амалиёт дастури маданий тадбирларни ҳам ўз ичига олганди – Вилнюс, Краков ва Риганинг тарихий туманларига экскурсиялар, Литванинг Тракай шаҳрига саёҳат. Шу билан бирга, талабалар Литвадаги Европа Гуманитар университети ва Польшадаги Фан ва технология университетига (АGH) ҳам ташриф буюришди.
Itpu.uz сайтида IT Park University'нинг имкониятлари ҳақида батафсил маълумотга эга бўлишингиз ва ўқишга кириш учун ариза топширишингиз мумкин.
Telegram-bot: itpu_bot
Instagram: itpu_uz
Маълумот учун телефон: +998-55-503-99-99
Реклама ҳуқуқи асосида
Изоҳ (0)