Кефир таркибида хамиртуруш ва бактерияларнинг оптимал миқдори мавжуд бўлиб, бунинг натижасида у нафақат ёқимли тетиклантирувчи ичимлик, балки муҳим доривор хусусиятлар манбаи ҳам ҳисобланади. Аслида кефир фойдали микробиотадир, у ичимликни кучли пробиётик маҳсулотлардан бирига айлантиради. Бундан ташқари, кефир шунчаки мазали, деб ёзади Marie Claire.
Кефир йогуртга жуда ўхшайди. Бироқ у фойдали бактерияларнинг кўпроқ штаммлари, жумладан, камроқ шакар ваорганизм саломатлиги ва тери ҳолатига фойдали бўлган кўпроқ био-асосли маҳсулотлардан иборат. Айниқса, эчки сути кефири оддий сигир сутидан кўра инсон организми учун фойдалидир.
Lactobacillus acidophilus ва Bifidobacterium bifidum’га бой кефир таркибида сезиларли миқдорда сут кислотаси бактериялари ва фойдали хамиртурушлар мавжуд. Уни мунтазам равишда ичиш овқат ҳазм қилиш тизимини фойдали микроорганизмлар билан тўлдиришга ёрдам беради. Бундан ташқари, терини парвариш қилиш режимида ушбу ичимликдан фойдаланиш тери ҳужайраларини антиоксидант, витамин, органик кислота, ёғ ва оқсилларнинг комбинацияси билан тўйинтиради. Бу ёш кўриниш учун ҳақиқий рецепт.
Аммо қаришни секинлаштириш ва ёшариш таъсирини таъминлаш учун кефирни қандай ичиш керак?
Кўп миқдорда янги тайёрланган кефирни ичиш фойдали пробиотик билан танишишни бошлашнинг яхши усули эмас. Афсуски, бу кўнгил айниш ва ҳатто диарея каби муаммоларни келтириб чиқариши мумкин. Агар биринчи куни тўлиқ стакан кефир ичилса, организм детокс ҳолатига ўтиши мумкин. Бу кучли ичимлик, шунинг учун уни осон қабул қилиш, таъм сезгиларини тинчлантириш ва соғлом одатни кундалик ҳаётга киритиш учун хавфсиз режани амалга ошириш керак.
1-2 кунлар:
Кунига бир ош қошиқ кефир ичилади. 14 ёшдан ошган болалар учун ярим ош қошиқ етарли, 14 ёшгача бўлган болалар учун — чорак.
3 кундан 10 кунгача:
Катталарга ҳар куни дозани икки баравар ошириш тавсия этилади, 10-куннинг охирига келиб кунлик истеъмол миқдори кунига 100 мл га етказилади. 14 ёшдан ошган болалар 10-куннинг охирига келиб кунига 50 мл гача дозани икки баравар ошириши мумкин. 14 ёшгача бўлган болалар учун ҳар куни дозани икки баравар ошириш ва 10-куннинг охирига келиб 25 млда тўхтатиш тавсия этилади. 11-кундан бошлаб бир хил дозани сақлаш керак.
Куннинг қайси вақтида кефир ичиш яхшироқ? Дастлабки кунларда уни кечаси ичиш тавсия этилади. Тадқиқотлар шуни кўрсатадики, кефирда мавжуд бўлган муҳим аминокислота триптофан онг ва асабларни тинчлантиришда жуда фойдали. Кўпчилик учун бу одат сифатли уйқуни таъминлайди, эрталаб шишни камайтиради ва энергия билан тўлдиради.
Кефир ичишнинг дастлабки икки ҳафтасидан сўнг уни куннинг турли вақтларида ичиш мумкин. Бир ҳафта давомида эрталаб овқатдан кейин, кейинги бир ҳафта давомида овқатдан олдин ичиш тавсия этилади. Режимни танлаш учун организмнинг оч қоринга ва овқатдан кейин кефирга қандай муносабатда бўлишини кузатиш керак.
Организмни кислоталилик билан ортиқча зўриқтирмаслик учун биринчи навбатда овқатдан кейин кефирни истеъмол қилишни бошлаш тавсия этилади. Дастлабки 14 кундан сўнг ўзингизга мос келадиган усулни топиш учун бошқа вариантларни синаб кўришингиз мумкин. Баъзи одамлар овқатдан олдин кефир ичса, иштаҳаси бўғилади. Шунинг учун вазн камайтиришни истаганлар овқатдан олдин кефир ичиш техникасидан фойдаланади. Агар ошқозон-ичак касалликлари бўлса, бу борада эҳтиёт бўлиш ва шифокорга мурожаат қилиш лозим.
Бир нечта огоҳлантиришлар:
Кефирни қиздирмаслик лозим. Ҳарорат барча фойдали бактерияларни ўлдиради. Хона ҳарорати кефир учун идеал.
Асални кефир, зарчава ва антибактериал хусусиятларга эга бошқа кучли маҳсулотлар билан аралаштирмаслик лозим. Улар фойдали бактерияларни йўқ қилади.
Кефирни консерваланган шарбат ва бошқа қайта ишланган маҳсулотлар билан аралаштирмаслик керак. Аксарият консервантлар кефир бактерияларини фойдасиз қиладиган ва бошқа кимёвий моддаларни ўз ичига олади.
Изоҳ (0)