Bir stakan kefir uzoq vaqtlardan beri sog‘lom turmush tarzining ajralmas qismi sifatida talqin qilinadi. U uyquga yotishdan oldin oromgohlardagi bolalarga va sanatoriylarda dam olayotganlarga berilgan. Bugunning zamonaviy endokrinologlari fermentlangan sutli ichimlikning foydalari haqidagi “cho‘pchak”ni rad etmoqda. Buning sababi nimada ekanini Marie Claire nashrida e’lon qilingan material orqali bilib olish mumkin.
Kechasi ichilgan kefirning sog‘liqqa qanday zarari bor?
Ma’lum bo‘lishicha, “zararsiz” fermentlangan sut mahsuloti insulin indeksining eng yuqori qiymatlaridan biriga ega. Shuningdek, insulin va qondagi qandning keskin ko‘tarilishlari intensivligini ko‘rsatadi. Insulin gormoni qondagi glyukozaning xavfsiz ishlashini ta’minlaydi. Agar u keskin organizmga ko‘p miqdorda tushsa, boshqacha qilib aytganda, insulin sakraydi va tezda glyukoza bilan birikadi, yog‘ni sarflashga mas’ul bo‘lgan fermentlarni bloklaydi. Bu esa ortiqcha yog‘ning to‘planishiga olib keladi. Shu bilan birga ortiqcha vazn to‘planadi chunki organizm yog‘ zaxiralarini intensiv ravishda saqlab qoladi.
Kechqurun insulin faolligi allaqachon avjiga chiqqan vaqtda ichilgan bir stakan kefir bu gormonning ishlab chiqarilishini yanada oshiradi. Yuqorida bayon etilganidek insulin glyukoza bilan kimyoviy ravishda birikadi va uning qondagi darajasini pasaytiradi. O‘z navbatida bunga javoban jigar bu yetishmovchilikni ko‘rib, uni intensiv ravishda ishlab chiqarishni boshlaydi. Shu tariqa ertalab organizmda glyukoza miqdori ko‘tarilgan holda uyg‘onasiz. Kefirni muntazam ravishda iste’mol qilish orqali uglevod almashinuvi qayta-qayta buziladi, bu esa oxir-oqibat prediabetga olib kelishi mumkin.
Kechasi qatiq ichish qomatga ham zararmi?
Nordon ta’mli “kechki tamaddi”ning yana bir yon ta’siri — qorin bo‘shlig‘ida yog‘ qatlamining hosil bo‘lishidir. Gap shundaki, kefirda laktoza mavjud bo‘lib, u nafaqat insulinning ishlab chiqarilishiga ta’sir qiladi, balki fermentatsiyani ham keltirib chiqaradi. Bularning barchasi visseral yog‘ning zaxiraga aylanishiga yordam beradi — uning farqi shuki, visseral yog‘ qorin bo‘shlig‘i organlari orasida to‘planadi. Bu ham estetik jihatdan xunuk ko‘rinadi, ham sog‘liqqa salbiy ta’sir ko‘rsatadi, ya’ni diabetning rivojlanishiga hissa qo‘shadi va qon bosimini oshiradi.
Izoh (0)