A Seriya. “Milan” safarda “Spetsiya”ga mag‘lub bo‘ldi, “Inter” esa 6 ta gol urilgan o‘yinda ishonchli g‘alabaga erishdi

Futbol bo‘yicha Italiya A Seriyasining 35-turidan o‘rin olgan qator uchrashuvlar 13-may, shanba kuni bo‘lib o‘tdi.

Eldor Shomurodov harakat qiladigan “Spetsiya” o‘z maydonida “Milan”ni qabul qildi va 2:0 hisobida g‘alaba qozondi. Uchrashuvning birinchi bo‘limida darvozalar ishg‘ol etilmadi. Ikkinchi bo‘limda mezbonlar ishonchli harakat qildi va hisobni ochdi. 75-daqiqada Visnevski hisobni ochdi. 85-daqiqada esa Espozito “Spetsiya”ning ikkinchi goliga mualliflik qildi. Qayd etib o‘tish joiz, Shomurodov zaxirada qoldirildi. 

“Spetsiya” ushbu g‘alabadan so‘ng ochkolarini 30 taga yetkadi va hamon xavfli 18-pog‘onada qolmoqda. “Milan” esa 61 ochko bilan 5-o‘rindan joy olgan.

“Inter” esa “Sassuolo”ga qarshi bahs olib bordi. Uchrashuv 4:2 hisobida milanliklarning g‘alabasi bilan yakunlandi. “Nerazzuri” safida Romelu Lukaku dubl qayd etgan bo‘lsa, Lautaro Martinez o‘z hisobiga bitta gol yozdirib qo‘ydi. Yana bitta golni esa Ruan o‘z darvozasiga urib qo‘ydi. “Sassuolo” safida Matteus Enrike va Davide Fratezzi gol mualliflariga aylandi.

“Inter” ochkolarini 66 taga yetkazdi va 2-o‘ringa ko‘tarilib oldi.

A Seriya

35-tur bahslari

13-may, shanba

“Spetsiya” – “Milan” 2:0

Gollar: 1:0 – 75 Visnevski, 2:0 – 85 Espozito.

“Spetsiya”: Drongovski, Amyan, Nikolau, Ampadu, Visnevski, Resa, Ekdal, Burabiya (Jurkovski, 64), Espozito, Jasi (Kovalenko, 90), Nzola.

“Milan”: Menyan, Kalulu, Kyer, Tomori (Kalabriya, 85), Ernandes (Ballo-Ture, 64), Braim Dias (Adli, 71), Pobega, Salemakers (de Ketelare, 64), Tonali, Rebich (Jiru, 71), Origi.

Ogohlantirishlar: Amyan (38), Braim Dias (52).

“Inter” – “Sassuolo” 4:2

Gollar: 1:0 – 41 Lukaku, 2:0 – 55 Ruan (avtogol), 3:0 – 58 Martines, 3:1 – 63 Mateus Enrike, 3:2 – 77 Frattezi, 4:2 – 89 Lukaku.

“Inter”: Handanovich, Bellanova (Darmian, 79), de Vrey (Bastoni, 73), D’Ambrozio, Acherbi, Dimarko (Gozens, 61), Mxitaryan (Aslani, 61), Brozovich, Galyardini, Korrea (Martines, 46), Lukaku.

“Sassuolo”: Konsili, Tolyan (Dzortea, 76), Erlich, Ruan (Ferrari, 64), Rojerio, Lopes, Frattezi, Mateus Enrike (Torstvedt, 76), Berardi, Loryante (Bayrami, 57), Defrel (Pinamonti, 57).

Ogohlantirishlar: Defrel (30), Ruan (42), Mateus Enrike (66), de Vrey (70), Brozovich (84).