Тошкентнинг уч туманида газ таъминоти вақтинча тўхтатилади
Таъмирлаш ишлари сабабли 4 апрель куни Сергели, Янгиҳаёт ва Чилонзор туманларининг айрим маҳаллаларида табиий газ таъминоти вақтинчалик тўхтатилади. Бу ҳақда “Ҳудудгаз Пойтахт” газ таъминоти филиали матбуот хизмати хабар берди.
Хабарга кўра, “Ҳудудгазтаъминот” АЖнинг 131-сонли буйруғига асосан йирик ҳудудга ажратиш мақсадида Янгиҳаёт тумани, “Янги Чоштепа” МФЙ ҳудудидан ўтган ер ости д-1020 ммли юқори босим газ қувурига газ ҳисоблагич ўрнатиш ишлари амалга ошириш режалаштирилган. Шу туфайли жорий йилнинг 4 апрель куни соат 08:00 дан 2023 йил 5 апрель куни 08:00 га қадар қуйидаги табиий газ истеъмолчиларида газ таъминоти вақтинчалик тўхтатилади. Шундан Сергели тумани аҳоли истеъмолчилари:
- “Соҳибқирон”, “Саховат”, “Янги Сергели”, “Қипчоқ”, “Эзгулик”, “Нурҳаёт”, “Мададкор”, “Иттифоқ”, “Зийнат”, “Нилуфар”, “Меҳригиё”, “Ўзгариш”, “Ҳабибий”, “Бунёдобод”, “Янги Бунёдобод” МФЙларида жойлашган кўп қаватли уйлардаги жами 21 566 та аҳоли хонадонларида ҳамда “Жўнариқ”, “Нўғайқўрғон”, Юқори Дархон“, “Қубайтепа”, “Қутбарака”, “Сўғдиёна”, “Софдил”, “Дарё бўйи” МФЙларидаги жами 7 634 та уй хўжаликларида.
Сергели тумани улгуржи истеъмолчилари:
- саноат корхоналари 85 та;
- мактаблар 11 та;
- МТМ 4 та;
- умумий овқатланиш объектлари 41 та;
- новвойхоналар 68 та;
- коммунал–маиший корхоналар 184 та, жами 393 та улгуржи истеъмолчиларда.
Янгиҳаёт тумани аҳоли ва улгуржи истеъмолчилари:
- “Файзли”, “Чоштепа”, “Янги Чоштепа”, “Янги Дархон”, Ташаббус“, ”Янги умид“, ”Янги турмуш“, ”Ҳумо“, ”Янги ҳаёт“, ”Орият“, ”Гулшанобод“, ”Марҳамат“, ”Ибрат“, ”Олчазор“, ”Хушнуд“, ”Навқирон“, “Ёрқин ҳаёт”, “Чароғон”, “Чорбоғ”, “Виқор”, “Ал - Фарғоний”, “Дўстлик”, “Иқбол”, “Йўлдош”, “Тошкент”, “Чортоқ” МФЙлардаги жами 5251 та уй хўжалигида ҳамда кўп қаватли уйлардаги жами 29 835 та аҳоли хонадонида ва 316 та улгуржи истеъмолчиларида.
Чилонзор тумани аҳоли ва улгуржи истеъмолчилари:
- “Бешқўрғон”, “Тирсакобод”, “Хайриобод”, “Хон тўпи”, “Бек тўпи”, “2-Қатортол”, “Мевазор”, “Яккабоғ” МФЙлардаги жами 6 000 та уй хўжаликларида ҳамда 47 та улгуржи истеъмолчиларида.
Таъмирлаш ишлари якунлангач, табиий газ таъминоти қайта тикланади. Етказилаётган ноқулайликлар учун “Ҳудудгаз Пойтахт” газ таъминоти филиали истеъмолчилардан узр сўраган.
