Британиялик хонанда Эд Ширан судда гитара чалиб айбсизлигини исботлади

Британиялик хонанда Эд Ширан суд залида плагиатда айбсизлигини исботлаш учун ўзининг “Thinking Out Loud” қўшиғини гитара билан ижро этди, деб хабар бермоқда “Правила жизни” нашри.

Хонанда америкалик қўшиқчи Марвин Геянинг 1973 йилда чиқарилган “Let’s Get it On” қўшиғини плагиат қилганликда айбланмоқда.

Ширан Манхеттендаги федерал судда тахминан бир соат гувоҳлик берди, шундан сўнг ундан “Thinking Out Loud”нинг яратилиш тарихини айтиб беришни сўрашган. У бу қўшиқни 2014 йилда чиқарган ва кейинчалик таронаси учун “Гремми” мукофотини қўлга киритган.

“У асосий куйнинг бир нечта сўзларини куйлади ва бу суд залидаги баъзи томошабинларнинг юзларида табассум уйғотди”, — деб таъкидлади нашр мухбири.

Ширан ушбу трекни ёзишда ўзининг фонетик усулидан фойдалангани ва у ёрдамида қўшиқлар яратганини айтди. Хонанданинг сўзларига кўра, у кунига 8-9 та қўшиқ ёзиши мумкин.

“Илҳом келганида ҳаяжонланасиз ва фақат угина чиқиш йўлини топа олади”, — дейди хонанда.

Бундан ташқари, хонанда Эми Уэдж билан “Thinking Out Loud” таронаси устида ишлаган, у очилиш аккордларини ёзишда хонандага ёрдам берган.

Қайд этилишича, Ширан судда “Let’s Get it On” қўшиғини ҳам ижро этмоқчи бўлган, бироқ йиғилиш тўхтатилган. 2022 йилда Эд Ширан “Shape of You” таронасининг плагиат ишида ғолиб чиқди ва 1,1 миллион доллар товон олди.