Афғонистоннинг Балх вилояти маркази Мозори Шариф Ўзбекистоннинг Сурхондарё вилояти билан умумий чегарага эга бўлиб, ушбу икки давлат аҳолисининг ҳам маданияти, ҳам одатлари муштаракдир.
Қайд этиш керакки, Ўзбекистонда ўзбек палови, Афғонистонда эса афғон палови деб аталмиш, Афғонистоннинг аксар ўзбек тилида сўзлашувчи аҳолиси томонидан пишириладиган палов ҳар икки давлатда ҳам ўз тарафдорларига эга.
Мозори Шариф шаҳрида 500 дан ортиқ ресторан мавжуд ва энг машҳур ресторанлардан бири “Мусо Палови” номи билан машҳурдир. “Дарё”нинг Афғонистондаги мухбири ушбу рестораннинг ошпази ва мижозлари билан суҳбатлашди.
Афғон палови кунжут ёғи билан пиширилади, ошпазнинг сўзларига кўра, унинг маҳаллий ва хориждан мижозлари жуда кўп. “Мусо Палови” ресторанида ош учун бошланғич нарх икки доллардан 25 долларгача баҳоланади. Ресторан мутасаддиларининг таъкидлашича, нархлар мижозларнинг буюртмасига кўра ўзгартириши мумкин.
Афғон таомларининг аксарияти хамирли ва гўштли, палов эса Афғонистоннинг энг машҳур ва миллий таомидир. У Афғонистон шимолида, Ўзбекистон ва Эроннинг Хуросон минтақаси каби мамлакатларда жуда машҳур.
Афғон паловини тайёрлаш учун зарур бўлган масаллиқлар қаторига қўй гўшти, саримсоқ, пиёз, шакар, сариқ ёки қизил сабзи, майиз, писта ва бодом, шунингдек, зира ва кашнич уруғи киради.
Ширин таъмга эга ушбу тўйимли таом Афғонистоннинг энг мазали таомларидан бири бўлиб, у турли минтақаларда турли усулларда пиширилади.
Палов Афғонистоннинг шимолий вилоятларида, жумладан, Балх, Жузжон, Сарипул ва Фарёбда энг кўп тарафдорларига эга бўлиб, мазкур вилоятларда “ўзбек палов”, “туркман палов” деб номланади.
Изоҳ (0)