Миллион долларлик гардероб: герцогиня Кейт Миддлтоннинг энг қиммат либослари (фото)

Кембриж герцогиняси соддароқ образни яхши кўргани учун мақтовга сазовор бўлса-да, Кейтнинг ҳашаматли модага бўлган иштиёқи тез-тез ўзини намоён қилади. Унинг қайси либослари қироллик оиласига қимматга тушгани ҳақида гаплашамиз.

Emilia Wickstead брендининг катакли юбкаси — 1 112 доллар

Кенсингтон саройидаги Рождество байрамидаги либоснинг содда кўринишига қарамай, бу образ герцогиня учун жуда қимматга тушган. Герцогиня Рождество либосини Emilia Wickstead брендининг 1 112 долларлик катакли юбкаси билан 266 долларлик қора кашмирли Брора кардиган билан тўлдирди.

Sportmax брендининг ферузаранг пальтоси — 1 200 доллар

Блекпулга ташрифи чоғида Миддлтон Италиянинг Sportmax брендидан 1 200 долларлик зумрадранг пальтони 225 долларлик Michael Kors либоси ва 570 долларлик Manu Atelier сумкаси билан уйғунлаштирди. Бутун бошли образ герцогиняга 2 065 долларга тушди.

Gucci брендининг сиёҳранг блузкаси — 1300 доллар

Gucci сиёҳранг блузкаси дастлаб орқа томонида бир қатор тугмалардан иборат эди, бироқ Кейт уни жуда креатив деб топди ва классикроқ кўринишни танлади. Бу либос герцогиняга 1 300 долларга тушди. Мазкур блузкага мос келиш учун стилист Виржиния Чадвик-Ҳелей 170 долларлик кенг шим ва 650 долларлик Aspinal сумкасини бирлаштирди.

Emilia Wickstead брендининг лимонранг либоси — 1 285 доллар

Emilia Wickstead’нинг герцогиняга жуда қимматга тушган яна бир буюми бу 2013 йилда Букингем саройидаги боғдаги зиёфатда кийган лимонрангли кўйлаги. Ҳомиладор герцогиня бу кийимни Jane Corbett шляпаси ва тилла деталли клатч билан якунлади.

Elie Saab брендининг нафис мовий либоси — 3 100 доллар

Бу либос Royal Ascot пойгаларида герсогия Кейт образлари орасида энг машҳурларидан бирига айланган. 3 100 долларлик мовий Elie Saab кўйлаги, Philip Treacy шляпаси ва Kiki McDonough сирғалари билан бирлаштирилган Кембриж герцогиняси мода мутахассисларининг юқори баҳоларига сазовор бўлди.

Catherine Walker брендининг қаймоқранг пальтоси — 4 000 доллар

Герцогиня Кейт пальтоларга бўлган катта иштиёқи билан танилган ва у улардан пул аямайди. 2016 йилда Канадага ташрифи чоғида у ўзининг энг севимлиларидан бири бўлган 4 000 долларлик қаймоқранг Catherine Walker пальтосини кийди. L.K. Bennet туфлилари, марварид сирғалар ва платинали заранг баргли брош образни янада мукаммал қилди.

Jenny Packham брендининг мовий либоси — 4 684 доллар

Мовийранг палитра — герцогиня Кейтнинг севимли рангларидан бири (ва ажабланарли жойи йўқ, чунки бу ранг қироллик оиласининг энг муҳим ранги ҳисобланади). Оқшомнинг энг таъсирли образларидан бири бу Royal Variety тақдимоти учун Jenny Packham брендидан герцогиня либоси бўлди. Ялтироқ тошлар билан безатилган ҳашаматли либоснинг нархи 4 684 долларни ташкил этди.

Alexander МcQueen брендининг қора либоси — 6 211 доллар

Ҳар бир аёлнинг шкафида қора либоси бўлиши керак. Кейт ўзининг классик кўйлагига жуда катта пул сарфлади — 6 000 доллардан кўпроқ. Тўғри, барча харажатлар тезда ўзини оқлади — образ бир вақтнинг ўзида ҳам содда, ҳам ихчам ва ҳашаматли кўринарди.

Chanel брендининг образи — 10 000 доллардан ортиқ

2017 йилда Кембриж герсоглари Буюк Британияда Brexitдан сўнг Париж бўйлаб икки кунлик гастрол сафарини уюштиришди, Орсе музейи ва Эйфель минорасини сайр қилишди. Кейт мода дипломатиясининг катта мухлиси, шунинг учун у Chanel’дан ниманидир синаб кўришига шубҳа йўқ эди. Шаҳзоданинг рафиқаси максимал даражада ўзгаришга қарор қилди ва бренднинг баҳор-ёз коллекциясидан твид кўйлак кийди. Бу либос герцогиня учун ўзгартирилди ва кўринишни монограммали камар ва бордо сумка билан тўлдирди. Chanel’нинг умумий образи 10 000 доллардан ошади.

Alexander МcQueen брендининг базм кўйлаги — 10 605 доллар

Герцогиня илк бор BAFTA мукофотининг қизил гиламида гулли кашта тикилган Алеxandr МcQueen’нинг ҳашаматли 10 605 долларлик либосида чиқди. Бир мунча вақт ўтгач, герцогиня либос енгларига кичик бир ўзгариш киритди, бу кийимнинг кўринишини бутунлай ўзгартирди. Кейт уни 2019 йилда Portrait Gala’да яна кийди.

Alexander МcQueen брендининг шафтолиранг кўйлаги — 14 000 доллар

Синглиси Пиппа ва унинг севгилиси Жеймс Метьюснинг тўйида герцогиня Alexander МcQueen’нинг шафтолиранг либосини кийди ва уни Jane Taylor’нинг ажойиб шляпаси билан тўлдирди. Кўйлак нархи меҳмоннинг мақомига мос равишда жуда шоҳона эди — 14 000 доллар.

Alexander МcQueen брендининг тўй либоси — 332 000 доллар

Герцогинянинг энг қиммат либоси дизайнер Сара Бертон томонидан яратилган Alexander МcQueen тўй либоси бўлишига шубҳа йўқ. Энг консерватив ҳисоб-китобларга кўра, бу қироллик оиласига 332 минг долларга тушган.