Бошни ювишнинг ҳам ўзига хос қоидалари бор. Агар қуйидагиларга амал қилсангиз, вақт ўтиши билан сочларингиз қанчалик ўзгарганини сезишингиз мумкин.
Бош териси учун мўлжалланган скраблардан фойдаланинг
Бош терисига мўлжалланган скраблар терининг ўлик ҳужайраларини йўқ қилади. У ювишдан олдин, ҳафтада 1-2 марта қўлланилади. Скраб сочларни янада жилокор, соғлом бўлишига ва янги сочларнинг ўсишига ёрдам беради. Қуруқ шампунлар ва пардоз маҳсулотларини тез-тез ишлатадиганлар учун бош териси скраби малҳам бўлиб, уларнинг қолдиқларини осонгина кетказишга ёрдам беради.
Сочларни неча марта ювиш соч турига боғлиқ
Сочларни ҳафтада неча марта ювиш кераклиги ҳақида аниқ маълумот йўқ. Аммо мунтазам ювиш бош териси ёғлари мувозанатини бузиши, шунингдек, соч сифатининг ёмонлашишига олиб келиши мумкин. Шу билан бирга, жуда кам ювиш бош терисида қичишишни келтириб чиқариши мумкин. Ювиш частотаси соч турига ҳам боғлиқ.
Сочни шампунлашдан олдин яхшилаб ҳўллаш керак
Сочни шампунлашдан олдин озгина намлаш хато. Тахминан бир дақиқа давомида бошингизни сув остида ушлаб туриш тавсия этилади ва сочлар тўлиқ нам бўлиши учун қўлларингиз билан ишқаланг, шундан кейингина ювиш воситасидан фойдаланинг. Фақат шу тарзда соч фарқини тўлиқ очиш мумкин, бу эса кейинги парваришга ҳисса қўшади.
Бундан ташқари, шампунни қўллашдан олдин сочларни сиқиш тавсия этилмайди, чунки бу ҳолда у яхши кўпикланмайди ва яхши ювилмайди.
Сувнинг ҳарорати соч рангига боғлиқ
Агар сочлар қизил, кўк, бинафша, тўқ сариқ каби ёрқин ноодатий рангларга бўялган бўлса, унда ранг муддатидан олдин ўчмаслиги учун совуқ сувда ювган маъқул. Агар сочлар табиий бўлса ёки табиий рангларда бўялган бўлса, сувнинг ҳарорати деярли ҳеч қандай рол ўйнамайди.
Сочингизга жуда кўп шампун ишлатманг
Озгина шампунни олиб, ҳўл кафтлар орасига суртиб, бош терисига суртган маъқул. Шунда шампунни ҳам тежайсиз, шампун қолдиқларини ювиш ҳам осон бўлади. Соч узунлиги ва учларини тозалаш учун фақат кўпик керак. Агар шампунни бошга мунтазам тўғридан тўғри қўлласангиз, бу қуруқлик ва мўртликка олиб келиши мумкин.
Шампунни тез-тез ўзгартиришга ҳожат йўқ
Баъзилар сочларини бир хил маҳсулотларга ўрганиб қолган, шунинг учун шампунни вақти-вақти билан ўзгартириш керак, деб ўйлашади. Аслида сочлар, аксинча, уларга мос бўлган нарсаларда ўзларини “яхши ҳис қилади”, янги шампунга “коникишни” билмайди.
Кондиционерни қўллашдан олдин сочларни сиқиб олинг
Агар шундай қилинмаса, кондиционер ҳўл сочларда сирпаниб кетади ва керакли эффектни бермайди. Нам сочларда у максимал даражада сўрилади, шунда сочлар майин ва жилокор бўлади.
Сочиқ ҳам соч турига қараб танланади
Пахтадан қилинган оддий сочиқ сочларга жуда қўпол ва оғир бўлиб, унга зарар етказиши мумкин. Микрофибра сочиқдан фойдаланган яхши. Бироқ бу материалнинг ҳам турлари кўп — улар соч тузилиши ва турини ҳисобга олган ҳолда танланиши керак.
Мисол учун, жингалак ва улама сочлар учун шойи микрофибра, сийрак сочлар учун эса нозик микрофибрадан тайёрланган қалпоқ шаклидаги сочиқ тўғри келади.
Изоҳ (0)