Boshni yuvishning ham o‘ziga xos qoidalari bor. Agar quyidagilarga amal qilsangiz, vaqt o‘tishi bilan sochlaringiz qanchalik o‘zgarganini sezishingiz mumkin.
Bosh terisi uchun mo‘ljallangan skrablardan foydalaning
Bosh terisiga mo‘ljallangan skrablar terining o‘lik hujayralarini yo‘q qiladi. U yuvishdan oldin, haftada 1-2 marta qo‘llaniladi. Skrab sochlarni yanada jilokor, sog‘lom bo‘lishiga va yangi sochlarning o‘sishiga yordam beradi. Quruq shampunlar va pardoz mahsulotlarini tez-tez ishlatadiganlar uchun bosh terisi skrabi malham bo‘lib, ularning qoldiqlarini osongina ketkazishga yordam beradi.
Sochlarni necha marta yuvish soch turiga bog‘liq
Sochlarni haftada necha marta yuvish kerakligi haqida aniq ma’lumot yo‘q. Ammo muntazam yuvish bosh terisi yog‘lari muvozanatini buzishi, shuningdek, soch sifatining yomonlashishiga olib kelishi mumkin. Shu bilan birga, juda kam yuvish bosh terisida qichishishni keltirib chiqarishi mumkin. Yuvish chastotasi soch turiga ham bog‘liq.
Sochni shampunlashdan oldin yaxshilab ho‘llash kerak
Sochni shampunlashdan oldin ozgina namlash xato. Taxminan bir daqiqa davomida boshingizni suv ostida ushlab turish tavsiya etiladi va sochlar to‘liq nam bo‘lishi uchun qo‘llaringiz bilan ishqalang, shundan keyingina yuvish vositasidan foydalaning. Faqat shu tarzda soch farqini to‘liq ochish mumkin, bu esa keyingi parvarishga hissa qo‘shadi.
Bundan tashqari, shampunni qo‘llashdan oldin sochlarni siqish tavsiya etilmaydi, chunki bu holda u yaxshi ko‘piklanmaydi va yaxshi yuvilmaydi.
Suvning harorati soch rangiga bog‘liq
Agar sochlar qizil, ko‘k, binafsha, to‘q sariq kabi yorqin noodatiy ranglarga bo‘yalgan bo‘lsa, unda rang muddatidan oldin o‘chmasligi uchun sovuq suvda yuvgan ma’qul. Agar sochlar tabiiy bo‘lsa yoki tabiiy ranglarda bo‘yalgan bo‘lsa, suvning harorati deyarli hech qanday rol o‘ynamaydi.
Sochingizga juda ko‘p shampun ishlatmang
Ozgina shampunni olib, ho‘l kaftlar orasiga surtib, bosh terisiga surtgan ma’qul. Shunda shampunni ham tejaysiz, shampun qoldiqlarini yuvish ham oson bo‘ladi. Soch uzunligi va uchlarini tozalash uchun faqat ko‘pik kerak. Agar shampunni boshga muntazam to‘g‘ridan to‘g‘ri qo‘llasangiz, bu quruqlik va mo‘rtlikka olib kelishi mumkin.
Shampunni tez-tez o‘zgartirishga hojat yo‘q
Ba’zilar sochlarini bir xil mahsulotlarga o‘rganib qolgan, shuning uchun shampunni vaqti-vaqti bilan o‘zgartirish kerak, deb o‘ylashadi. Aslida sochlar, aksincha, ularga mos bo‘lgan narsalarda o‘zlarini “yaxshi his qiladi”, yangi shampunga “konikishni” bilmaydi.
Konditsionerni qo‘llashdan oldin sochlarni siqib oling
Agar shunday qilinmasa, konditsioner ho‘l sochlarda sirpanib ketadi va kerakli effektni bermaydi. Nam sochlarda u maksimal darajada so‘riladi, shunda sochlar mayin va jilokor bo‘ladi.
Sochiq ham soch turiga qarab tanlanadi
Paxtadan qilingan oddiy sochiq sochlarga juda qo‘pol va og‘ir bo‘lib, unga zarar yetkazishi mumkin. Mikrofibra sochiqdan foydalangan yaxshi. Biroq bu materialning ham turlari ko‘p — ular soch tuzilishi va turini hisobga olgan holda tanlanishi kerak.
Misol uchun, jingalak va ulama sochlar uchun shoyi mikrofibra, siyrak sochlar uchun esa nozik mikrofibradan tayyorlangan qalpoq shaklidagi sochiq to‘g‘ri keladi.
Izoh (0)