Тошкентда ижарада яшаб келган 16 ёшли қиз ўзини юқори қаватдан ташлади. Бу ҳақда “Миллар” информацион дастурида маълум қилинди.
Қайд этилишича, 3-қаватдан ўзини ташлаган қиз шифохонага олиб келинганида унинг умумий аҳволи оғир бўлган. Текширув давомида беморда бош мия чайқалиши, қорин ёпиқ жароҳати ва ўнг болдир-товон суякларининг синиши аниқланган. Ҳозирда қиз сунъий нафас аппаратида қолмоқда.
Қизнинг қаерда ўқиши ёки нима иш қилиши номаълум, аммо хонадонда чиққан жанжал сабаб у ўзини 3-қаватдан ташлагани айтилмоқда.
Фарғона шаҳрида 14 ёшли ўқувчи қиз ўзини 16 қаватли уйнинг томидан ташламоқчи бўлгани ҳақида хабар берилганди. 14 ёшли қиз Д.К. ўгай отаси билан жанжаллашиб қолган. Бунинг оқибатида Фарғона шаҳри Тарона кўчасида жойлашган 16 қаватли уйнинг томига чиқиб олган ҳамда у ердан ўзини пастга ташлаб, жонига қасд қилмоқчи бўлган. Воқеа жойига борган Фарғона шаҳар ИИБ ва Фавқулодда вазиятлар вазирлиги ходимлари Д.К.ни томдан соғ-омон тушириб олган.
Шунингдек, Самарқанд вилояти Оқдарё туманида 18 ёшли талаба қиз Қорадарё кўпригидан ўзини сувга ташлаб жонига қасд қилгани ҳақида хабар берилганди.
Изоҳ (0)