Toshkentda ijarada yashab kelgan 16 yoshli qiz o‘zini yuqori qavatdan tashladi. Bu haqda “Millar” informatsion dasturida ma’lum qilindi.
Qayd etilishicha, 3-qavatdan o‘zini tashlagan qiz shifoxonaga olib kelinganida uning umumiy ahvoli og‘ir bo‘lgan. Tekshiruv davomida bemorda bosh miya chayqalishi, qorin yopiq jarohati va o‘ng boldir-tovon suyaklarining sinishi aniqlangan. Hozirda qiz sun’iy nafas apparatida qolmoqda.
Qizning qayerda o‘qishi yoki nima ish qilishi noma’lum, ammo xonadonda chiqqan janjal sabab u o‘zini 3-qavatdan tashlagani aytilmoqda.
Farg‘ona shahrida 14 yoshli o‘quvchi qiz o‘zini 16 qavatli uyning tomidan tashlamoqchi bo‘lgani haqida xabar berilgandi. 14 yoshli qiz D.K. o‘gay otasi bilan janjallashib qolgan. Buning oqibatida Farg‘ona shahri Tarona ko‘chasida joylashgan 16 qavatli uyning tomiga chiqib olgan hamda u yerdan o‘zini pastga tashlab, joniga qasd qilmoqchi bo‘lgan. Voqea joyiga borgan Farg‘ona shahar IIB va Favqulodda vaziyatlar vazirligi xodimlari D.K.ni tomdan sog‘-omon tushirib olgan.
Shuningdek, Samarqand viloyati Oqdaryo tumanida 18 yoshli talaba qiz Qoradaryo ko‘prigidan o‘zini suvga tashlab joniga qasd qilgani haqida xabar berilgandi.
Izoh (0)