Ҳиндистон ҳукумати Россия билан аввал тузилган шартнома асосида Москвадан қурол олиш, аммо Россияга пул ўтказишни тақиқловчи АҚШ санкцияларига тушиб қолмаслик йўлини қидирмоқда. Ҳиндистон ҳукуматидаги манбаларнинг Bloomberg агентлигига айтишича, ҳозир Россия Ҳиндистонга қурол етказиб беришни тўхтатилган.
Агентлик маълумотларига кўра, бир йилдан ортиқ вақтдан бери Россия Ҳиндистонга мўлжалланган қуроллар учун 2 миллиард долларга яқин тўловни ололмаяпти. Россия расмийлари Ҳиндистонга топширилган қуролларга эҳтиёт қисмларини етказиб бериш учун тахминан 10 миллиард долларлик кредит линиясини тўхтатган, шунингдек, С-400 ракетага қарши мудофаа тизимининг иккита батареясини бермаган.
Россия Ҳиндистоннинг энг йирик қурол етказиб берувчиси ҳисобланади, бу қуроллар Деҳлига Покистон ва Хитой билан чегарадаги келишмовчиликларда ишлатиш учун зарур.
Bloomberg ёзишича, Ҳиндистон Россияга қурол-яроғ учун тўловни доллар ёки рублда беришни истамаяпти, бундан мақсад — АҚШ санкциялари ва рус валютасини сотиб олиш билан боғлиқ харажатлардан қочиш. Ўз навбатида, Ҳиндистон томонидан таклиф қилинган рупийдаги ҳисоб-китоблар варианти ушбу валютанинг ўзгарувчанлиги сабаб Россияга мос келмайди.
Агентликнинг таъкидлашича, қуролларга Ҳиндистон Россия нефтини сотиб олиш схема каби евро ва БАА валютасида ҳақ тўлаши мумкин эди. Бироқ Ҳиндистон бундай савдо ҳам АҚШ санкцияларига дуч келиши мумкинлигидан хавотирда.
Маълумот учун, Россия Ҳиндистоннинг энг йирик қурол етказиб берувчиси, Ҳиндистон эса шунга мос равишда Россия ҳарбий-саноат комплекси учун энг муҳим бозорлардан бири ҳисобланади.
Изоҳ (0)