Тошкент шаҳар Миробод туманида эркак 17 ёшли қизга тегажоғлик қилгани акс этган видео тарқалган эди. Ушбу қизнинг отаси ИИБ ходимларидан айбдорга қаттиқ чора кўрилишини сўради.
Шаҳар Ички ишлар бош бошқармасининг берган маълумотларига кўра, ҳолат 19 апрель куни соат 12:50 ларда 2005 йилда туғилган З.Б. Миробод тумани, Иноқобод кўчасида уйига қайтаётган вақтида содир бўлган. Унинг орқасидан 1997 йилда туғилган, Самарқанд вилояти Оқдарё туманида яшовчи О.О. келиб, қучоқлаб, юзидан ўпиб, қўйиб юборган ва воқеа жойидан қочиб кетган. Ўтказилган тезкор тадбир натижасида О.О. ушланган.
Қизнинг отаси воқеани тонгда рафиқасидан эшитганини, шундан сўнг ИИБга мурожаат қилганини айтди. Унинг сўзларига кўра, ҳозирда қизи кучли стресс ҳолатида.
“Қизим мактаб ўқувчиси. 19 апрель куни мактабдан қайтаётганда қизимга орқа томондан нотаниш фуқаро келиб, оғзини беркитиб, бўйнидан бўғиб, йиқитган. Ушбу ҳолат бўйича бугун эрталаб соат 4:00 ларда турмуш ўртоғимдан эшитдим. Қизим ҳозир стресс ҳолатда. Видеода қарасангиз орқада келаётганида кўрмай қолган, танимайди. Яхши ҳам бақиргани учун қочиб кетган, ҳеч нарсасини олмаган. Туман ИИБга бориб, мурожаат қилдим. Ўша болага нисбатан қаттиқ чора кўришларини сўраб қолардим”, — дейди қизнинг отаси.
Изоҳ (0)