Ҳиндистонда бойлигини кўз-кўз қилиш одатий ҳол. Ушбу материалда Ҳиндистондаги энг бадавлат одам қандай яшаши ва у қандай ажойиб кўчмас мулкка эгалиги, шунингдек, унинг хотинига тегишли ҳашаматли заргарлик буюмлари ҳақида тўхталамиз.

2023 йил март охирида Зендаядан тортиб Жижи Ҳадидгача бўлган машҳурлар тўсатдан Лос-Анжелесдан Мумбайга боришди. Бунга Ҳиндистоннинг энг бой тадбиркори Мукеш Амбани пулига қурилган NMACC маданий марказининг очилиши сабаб бўлган.

​Ҳозирда биснесменнинг бойлиги 85 миллиард долларга яқинлашмоқда ва тадбиркор бойлигини умуман яширмайди. У Мумбайдаги 27 қаватли уй эгаси бўлиб, у учта вертолёт майдончаси, 168 та машина учун тўхташ жойи ва 50 ўринли кинотеатр билан жиҳозланган. Уни қуриш учун Амбани, Forbes маълумотларига кўра, тахминан икки миллиард доллар сарфлаган. Ўтган йили бизнесмен Дубайдаги хусусий курорти, очиқ ва ёпиқ ҳовузлари бор энг қиммат 10 хонали виллани сотиб олиш учун 80 миллион доллар маблағ ажратди. Амбани бу ҳашаматли саройни ўзи учун эмас, балки ўғли учун харид қилгани қизиқ.

Ҳиндистоннинг энг бой одами оиласи учун ҳеч нарсани аямайди. Мисол учун, 2018 йилда қизининг тўйи муносабати билан Амбани Голливуд миқёсида улкан зиёфат уюштирди. Унда АҚШ президентлигига номзод Ҳиллари Клинтон ва The Huffington Post бош муҳаррири Арианна Ҳаффингтон иштирок этди — кечанинг асосий меҳмони Бейонсе бўлди, у янги турмуш қурганлар учун ўзининг барча ажойиб ҳитларини ижро этди.

Аммо Мукеш Амбани номоддий ва моддий эквивалентлардаги бойлигидан кўра энг кўп эътиборини 38 йилдан бери бирга яшаб келаётган рафиқаси Нитага қаратади.

Нита Далал тижорат соҳасида таҳсил олган, аммо мактаб ўқитувчиси сифатида карьерасини бошлашга қарор қилди. Тез орада тақдир уни бўлажак миллиардер билан учраштирди. Нита яна бир неча йил ўқитувчилик фаолиятини давом эттирди, лекин эгизаклари туғилгандан кейин у ўзини оиласига бағишлашга қарор қилди.

Мукеш билан турмуш қурган йиллар давомида унинг севимли аёли нафақат уч фарзандни тарбиялади, балки эрини фаол қўллаб-қувватлади, шунингдек, унинг бизнес империяси учун ижобий обрў-эътиборни яратишга ёрдам берди. Айнан Нита ташаббуси билан Мукешга тегишли компаниянинг нефтни қайта ишлаш заводи ходимлари учун экологик тоза қишлоқ барпо этилди. Бугунги кунда унда 17 минг киши истиқомат қилади ва унинг асосий диққатга сазовор жойи кўплаб қушлар яшайдиган юз минглаб манго дарахтлари бўлган ажойиб гўзал боғдир.

Нита, шунингдек, эрининг компанияси қаноти остидаги Reliance Foundation жамғармасига асос солган, унинг мақсади Ҳиндистоннинг турли соҳаларда — таълим ва соғлиқни сақлашдан маданият ва қишлоқ хўжалигигача барқарор ривожланишдир. Жамғарма фаолияти Ҳиндистонда ҳам, хорижда ҳам кўплаб юксак мукофотлар билан тақдирланган.

Нита тез-тез омма олдида кўриниш беради. Ҳиндистонда имкони бўлган ҳар бир кишига ўзларининг фаровонлик белгиларини кўрсатиш одат тусига киргани сабабли Мукешнинг рафиқаси ўзини доимо ҳақиқий маликадек тутади. У образларини заргарлик буюмлари билан тўлдиради, унинг шахсий коллекциясида сон-саноқсиз қимматбаҳо тақинчоқлар бор. Катта ёқутлар, зумрадлар, ёрқин олмослар — ҳеч ким унинг барча заргарлик буюмларининг тахминий нархини ҳам ҳисоблай олмайди.

Шунингдек, аёлнинг пойабзал коллекцияси ҳам эътиборга лойиқ, у кўплаб ҳашаматли буюмларни ўз ичига олади, уларнинг баъзилари 500 000 долларгача туради. Нима учун Нитага бунчалик кўп пойабзал керак? Гап шундаки, у бир марта кийган пойабзал ини иккинчи марта киймайди.

Унинг севимли эри Нитага заргарлик буюмлари ва ҳашаматли брендлардан ташқари, бошқа қимматбаҳо совғалар ҳам ҳадя қилади. Масалан, у Audi А9 Chameleon sport автомобилининг эгаси бўлиб, унинг тахминий нархи 150 минг долларни ташкил этади.