Актёр Гарри Меллинг Гарри Поттер қаҳрамонининг ярамас амакиваччаси Дадли Дурсли роли билан танилган. У “Гарри Поттер” асари асосида суратга олинган лойиҳаларда 2001 йилдан 2009 йилгача иштирок этган. Гарри ушбу лойиҳаларда суратга тушганидан кейин ҳам актёрлик фаолиятини давом эттирди.
Актёр ташқи кўринишини бутунлай ўзгартирди. Бундан ташқари Гарри 2009 йилда, 20 ёшида суратга олиш ишлари сабаб вазн йўқотганда таниб бўлмас даражада ўзгарди. У суратга олиш майдончасида ўз қаҳрамонининг қоматини сақлаб қолиш учун махсус костюмни кийишга мажбур бўлди.
Меллинг хурсанд эди, имижининг кескин ўзгариши унга карьерасини тезда қайта бошлаш ва ўзини янги ролларда синаб кўриш имконини беради, деб ишонди. Бироқ бу иш “Гарри Поттер”даги роли билан машҳур бўлган актёр учун қийин бўлди. Гарри бутунлай ўзгарди — семиз, қўпол болакай озғин, жингалак сочли, келишган йигитга айланди.
Меллинг театрда фаолият юритган, фильм ва сериалларда рол ўйнайди. Масалан, унинг иштирокидаги “Йўқолган З шаҳри” фильми ва “Қироличанинг юриши” сериали машҳур лойиҳалар ҳисобланади.
Гарри машҳур актёр — унинг иштирокида йилига камида битта фильм катта экранларга чиқарилади. 2023 йилда актёр иштирокидаги “Ҳамма нарсани кўрувчи кўз” фильмининг премьераси бўлиб ўтди, у лойиҳада ёш йигит Эдгар Аллан По ролини ўйнаган.
Изоҳ (0)