UzPaynet компанияси 2022 йилда 108 млрд сўм фойда олди. Бу ҳақда “Дарё”га компания молиявий ҳисоботидан маълум бўлди.
Компания даромади ўтган йили 230,5 млрд сўм бўлган. Бу 2021 йилги 412 млрд сўмлик даромадга нисбатан қарийб икки баробар камроқ.
Шунга қарамай, UzPaynet соф фойдаси бир йилда 17 млрд сўмга кўпайган. Бунга харажатларни кескин камайтириш орқали эришилган.
UzPaynet 2021 йилда 17 млрд сўм солиқ тўлаган бўлса, 2022 йилда бу кўрсаткич 8,6 млрд сўмни ташкил қилган.
Компания 100 фоиз давлатга қарашли ва 2022 йилда хусусийлаштириш жараёни бошланган.
Компания ҳақида
UzPaynet — Paynet тўлов тизимининг асосчиси ҳисобланади. У Ўзбекистон бозорида 2005 йилдан буён йирик тўлов ташкилотларидан бири сифатида фаолият юритиб келмоқда.
Компания Paynet тўлов тизими ишлаб чиқарувчиси ва савдо белгиси эгаси ҳисобланади.
Ҳозирги кунда 390 дан ортиқ хизмат кўрсатувчи провайдерлар тўловларни тизим орқали қабул қилмоқда — мобил алоқа, интернет, уй-жой, суғурта, ва бошқалар.
Тизим орқали ҳар куни 1,3 миллиондан ортиқ тўловлар 25 минг тўловни қабул қилиш пункти ва мобил илова орқали амалга оширилади.
Изоҳ (0)