Futbol bo‘yicha O‘zbekiston Kubogi guruh bosqichi 1-turidan o‘rin olgan qator uchrashuvlar 12-aprel, chorshanba kuni o‘tkazildi.

C guruhida “Buxoro” klubi “Turon” bilan bahs yuritdi. Uchrashuvning 29-daqiqasida Obid Jo‘raboyev buxoroliklarni oldinga olib chiqqan bo‘lsa, yaypanliklar bunga so‘nggi daqiqalarda Milan Boyovichning kiritgan to‘pi bilan javob qaytardi.

Avvalroq guruhning dastlabki o‘yinida “Sho‘rtan” jamoasi “Yangiyer”ni mag‘lub etgandi.

D guruhi vakillari “Neftchi” va “Bunyodkor” jamoalari o‘rtasidagi uchrashuvda hisob ochilmadi. Guruhning yana bir o‘yinida “Metallurg” va “Yunired” jangovar durang qayd etdi. Shu tariqa 1-turdan keyin barcha jamoalar 1 ochkodan bo‘lishib oldi.

O‘zbekiston Kubogi

Guruh bosqichi, 1-tur

12-aprel, chorshanba

“Buxoro” – “Turon” 1:1

Gollar: 1:0 – 29 Obid Jo‘raboyev, 1:1 – 90+4 Milan Boyovich.

“Neftchi” – “Bunyodkor” 0:0

“Metallurg” – “Yunired” 2:2

Gollar: 1:0 – 44 Husniddin G‘ofurov, 1:1 – 55 Asomiddin Mamatov, 1:2 – 67 Murodjon Shamsiddinov, 2:2 – 89 Ibrohim Ibragimov.