Нозим Ҳусанов камбағалликни қисқартириш ва бандлик вазирининг биринчи ўринбосари лавозимидан озод этилди, деб хабар беради ЎзА.
Нозим Ҳусанов вазирнинг биринчи ўринбосари лавозимига 2022 йилнинг декабрида тайинланган эди. Бунгача 2019 йил сентябрь ойидан бандлик ва меҳнат муносабатлари вазири лавозимида ишлаб келаётганди.
Нозим Ҳусанов (1976 йил туғилган) Тошкент автомобиль-йўллар институти (1997), Тошкент молия институти (сиртқи бўлим, 2002), Президент ҳузуридаги Давлат ва жамият қурилиши академияси (2007) битирувчиси ҳисобланади. У 2018 йил май ойидан 2019 йилгача Тошкентнинг Сергели туманига ҳокимлик қилган.
Президент фармонига мувофиқ, 2023 йил 1 январдан қуйидаги республика давлат бошқаруви органларининг ташкилий бўйсунуви ўзгарганди. Хусусан, Оила ва хотин-қизлар қўмитаси ҳамда Маҳаллабай ишлаш ва тадбиркорликни ривожлантириш агентлиги Камбағалликни қисқартириш ва бандлик вазирлиги ҳузурига ўтказилганди. 2022 йил декабрь охирида Беҳзод Мусаев мазкур вазирлик раҳбари этиб тайинланган.
10 апрель куни ҳуқуқни муҳофаза қилувчи органлар томонидан Камбағалликни қисқартириш ва бандлик вазирлигининг Жиззах ҳамда Сирдарё вилоятлари бош бошқармалари мансабдор шахслари ўз ваколатларидан фойдаланган ҳолда пора олаётган вақтида қўлга олингани маълум бўлганди.
Изоҳ (0)