Футбол бўйича Ўзбекистон Суперлигасининг 5-турида “Сўғдиёна” ва “Металлург” 8 апрель, шанба куни ўзаро баҳс олиб борди.
Учрашувнинг 42-дақиқасида Хислат Халилов жиззахликларни ҳисобда олдинга олиб чиқди. Иккинчи бўлимда эса Иброҳим Ибрагимов мувозанатни тиклади. 77-дақиқада Забиҳилло Ўринбоев меҳмонларнинг иккинчи голига муаллифлик қилди. Орадан 2 дақиқа ўтиб, Сердер Сердеров ҳисобни тенглаштирди. Қолган дақиқаларда эса дарвозалар ишғол этилмади.
Ушбу дурангдан сўнг “Металлург” очколари сонини 4 тага етказиб, 11-поғонани банд этди. “Сўғдиёна” эса 2 очко билан мусобақа жадвалининг сўнгги ўрнида бормоқда.
Суперлига
5-тур баҳси
8 апрель, шанба
“Сўғдиёна” – “Металлург” 2:2
Голлар: 1:0 — 42 Хислат Халилов, 1:1 — 57 Иброҳим Ибрагимов, 1:2 — 77 Забиҳилло Ўринбоев, 2:2 — 79 Сердер Сердеров.
“Сўғдиёна”: 27. Милан Митрович, 4. Элёр Орифов, 5. Аюбхон Нўмонов, 6. Алишер Салимов (26. Улуғбек Абдуллаев, 86), 10. Жавоҳир Қаҳрамонов, 11. Жасур Ҳасанов, 12. Хислат Халилов (7. Сердер Сердеров, 71), 14. Бобурбек Йўлдошев, 22. Санжар Шоаҳмедов, 28. Станислав Андреев, 93. Марко Колакович.
“Металлург”: 87. Акмал Ортиқов, 4. Керим Палич, 6. Худойшукур Сатторов, 9. Забиҳилло Ўринбоев, 10. Бектемир Абдуманнонов, 14. Аброрбек Тошқўзиев, 17. Владислав Касминин, 22. Шаҳзодбек Ғофурбеков, 25. Шаҳзод Неъматжонов, 30. Иброҳим Ибрагимов (7. Ҳусниддин Ғофуров, 84), 33. Иван Ёсович.
Огоҳлантиришлар: Ибрагимов (34), Салимов (61), Сердеров (73).
Изоҳ (0)