“Рома” бош мураббийи Жозе Моуриньо фаолиятини Саудия Арабистонида давом эттириши мумкин.
Cорриэре делло Спорт нашрининг хабарига кўра, Саудия Арабистони ҳукумати португалиялик мураббийга 2 мавсум учун 120 миллион евро таклиф қилмоқда. Унга кўра, Моуриньо учта вариантдан бири: Саудия Арабистони терма жамоаси, “Ал-Аҳли” ёки Криштиану Роналду тўп сураётган “Ан-Насср” жамоаларидан бирини танлаши керак.
Шу билан бирга Жозе биринчи мавсумдан кейин шартномани бекор қилиш ҳуқуқига эга бўлади. Агар Моуриньо ушбу таклифга рози бўлса, футбол тарихидаги энг кўп маош оладиган мураббийга айланади.
60 ёшли мураббий таклифни ўйлаб кўришини маълум қилган. “Рома” эса Жозе Моуриньони жамоада олиб қолиш истагида.
Изоҳ (0)