Москва марказида тўппонча билан қуролланган шахс Россия Мудофаа вазирлигининг бош биносига киришга уринди, деб хабар бермоқда “ТАСС” ва яна қатор Россия ОАВлари.
Ҳодиса Фрунзенская соҳилида жойлашган Мудофаа вазирлиги биноси яқинидаги назорат-ўтказиш пунктида содир бўлган. “Вазирлик ҳудудига қурол кўтарган ноадекват ҳолатдаги эркак киришга уринди. Шу билан бирга у баланд овозда бақириб, қўлларини силкитди. Қоидабузар зудлик билан ҳибсга олинди, у қилмиши сабабини тушунтириб беролмади”, — деди “ТАСС” суҳбатдоши.
Ҳодиса оқибатида ҳеч ким жабрланмаган. Қўлга олинган шахсга нисбатан майда безорилик моддаси бўйича баённома тузилди. У психиатрия бўлимига текширувга юборилди. Дастлабки маълумотларга кўра, қоидабузардан олиб қўйилган қурол — пневматик тўппонча.
“112” Telegram канали хабарига кўра, қўлга олинган шахс Ярославл вилоятида яшовчи 40 ёшли Дмитрий Bumан. Бошқа хабарга кўра, у вилоятнинг Рибинск шаҳри уй-жой мулкдорлари ширкати раиси.
Москва расмийлари ва Россия Мудофаа вазирлиги ҳодисага изоҳ бермади.
Изоҳ (0)