Футбол бўйича Италия А Сериясининг 28-турида “Специя” 2 апрель, якшанба куни “Салернитана”ни қабул қилди.
Учрашувнинг 43-дақиқасида мезбонлар ҳимоячиси Маттиа Калдара кутилмаганда ўз дарвозасини ишғол қилиб қўйди. Танаффусга қадар ҳисоб бошқа ўзгармади.
70-дақиқада Элдор Шомуродов рақиб ҳимоясидаги хатодан кейин яхши вазиятга чиқиб борди ва дарвозабон устидан тўпни ошириб, мувозанатни тиклади. Мазкур ҳисоб ўйин якунига қадар сақланиб қолди.
Қайд этиш керак, бу ўзбекистонлик ҳужумчи учун “Специя” сафидаги илк гол бўлди.
“Специя” очколарини 25 тага етказиб олган ҳолда 17-поғонада бормоқда. “Салернитана” (28) 15-ўриндан жой олган.
А Серия
28-тур баҳси
2 апрель, якшанба
“Специя” – “Салернитана” 1:1
Голлар: 0:1 – 43, автогол Калдара, 1:1 – 70 Шомуродов.
“Специя”: Дронговски, Амян, Калдара, Ампаду, Николау (Бастони, 76), Экдал (Висневски, 85), Бурабия, Коваленко (Журковски, 46), Жаси (Агудело, 54), Верде (Мальдини, 46), Шомуродов.
“Салернитана”: Очоа, Домбер, Данилюк, Пирола (Фасио, 80), Брадарич, Самбия (Кастанос, 80), Кандрева (Боҳинен, 69), Вилена (Бонацсоли, 80), Кулибали, Пёнтек (Мажоре, 55), Диа.
Огоҳлантириш: Кулибали (77).
Изоҳ (0)