Икки рекорд ва бир нечта тарихий натижа. “Барселона” ғалабали юришини давом эттирмоқда

“Барселона” Ла Лига 27-турида “Элче”ни 4:0 ҳисобида мағлуб этди.

Каталонлар ортда қолган 27 та ўйинда 71 очко тўплашга эришди. Бу лига тарихидаги энг яхши иккинчи натижа бўлди. 2012/13 йилги мавсум “Барселона” ва 2011/12 йилги мавсумда “Реал” 27 турда худди шунча очко жамғарганди.

Энг яхши натижа эса 2010/11 йилги мавсумда “Барселона” томонидан қайд этилган — 27 турда 74 очко.

Ушбу 27 та тур давомида “кўк-анорранглилар” 20 та ўйинда ўз дарвозасидан тўп олиб чиқмади ва бор-йўғи 9 та гол ўтказиб юборди. Ҳар икки кўрсаткич лига рекорди ҳисобланади.

Ла Лига жорий мавсумида каталонлар дарвозасига йўл топган жамоалар: “Реал” (4), “Реал Сосьедад” (1), “Осасуна” (1), “Эспаньол” (1), “Бетис” (1) ва “Алмерия” (1).

Хави жамоаси чемпионатдаги сўнгги бешта ўйинни ўз фойдасига ҳал қилди, клуб охирги 12 та ўйиндан 11 тасида ғалаба қозонган.

2 мартдан кейин “Барселона” Испания Кубогида 5 та ўйин ўтказиб, уларнинг барчасида ғалаба қозонди. Кейинги ўйин 5 апрель куни “Реал”га бўлиб ўтади.

“Барселона” Ла Лига жорий мавсумида 12 та сафар ўйинини ўз фойдасига ҳал қила олди. Топ-5 лигалар вакиллари орасида фақат “Наполи” шундай натижа қайд эта олган.