Актёрлар учун камера қаршисида дўстлик, муҳаббат ва бахтли жуфтликни ўйнаш қийин эмас. Агар фильмдаги шериги зерикарли бўлса ва ўзини ғалати туца, ҳаётда экрандаги муносабатларни сақлаб қолиш анча қийин.
Шарлиз Терон ва Том Харди — “Телба Макс: Ғазаб йўли”
“Телба Макс: Ғазаб йўли” фильмини суратга олиш вақтида Терон суратга олиш майдончасига эрталаб соат 8 да келиб, партнёрини сабр-тоқат билан кутади. Харди эса 3 соатга кечикканида улар муштлашиб кетишларига сал қолади. Актриса бунга чидай олмайди ва бутун суратга олиш гуруҳига нисбатан ҳурматсизлик билдиради, шунингдек, Хардини катта миқдорда жаримага тортишни талаб қилади.
Актёр ҳам ғазабини ушлаб туролмай Теронга бақиради, натижада Шарлиз продюсер Денис Ди Новидан уни Хардидан ҳимоя қилиш учун Намибияга келишини сўрайди.
Кейинчалик юлдузлар яхши иш қилмаганларини ва муаммони хотиржамлик билан ҳал қилиш тўғри қарор бўлишини тан олишади. Фильм чиққандан сўнг, Том Харди Теронни жанговар фильмдаги энг яхши актриса деб атайди ва ўша пайтда у ноҳақ бўлганини таъкидлайди.
Ник Нолти ва Жулия Робертс — “Кўнгилсизликларни яхши кўраман”
Ник Нолти ва Жулия Робертс “Кўнгилсизликларни яхши кўраман” номли ромкомнинг суратга олиш майдончасида дарҳол келиша олишмайди. Робертс Нолти ўзини аҳмоқдек тутаётганидан норози эди. Жанжаллар шу қадар кучайиб кетадики, актёрларнинг жадваллари ажратилади ва улар деярли бир-бирлари билан суратга тушмайди — кўплаб саҳналар дублёрлар жуфтлиги билан суратга олинади.
Жулия Робертс ҳамкасбини одамларни ўзидан узоқлаштирадиган жирканч одам деб атайди. Уларнинг душманлиги фильмда ҳам ўз аксини топади. Шарҳловчилар Нолти ва Робертс ўртасида ҳеч қандай муҳаббат йўқлигини таъкидлайди. 15 йилдан кейин ҳам улар муносабатларни яхшилай олмайди: телекўрсатувлардан бирида Робертс Нолти ҳақида гапирганда ҳақоратли сўзларни ишлатган.
Уилл Смит ва Жаред Лето — “Худкушлар гуруҳи”
“Худкушлар гуруҳи” фильмининг суратга олиш майдончасида режиссёр Девид Аер ижрочиларни ўзлари ҳақидаги ҳикоялари билан бўлишишга таклиф қилади.
Аммо Жаред Лето ўзини энг ғалати тутади. У ҳамкасбларига экцентрик совғалар қилади. Мисол учун, у Марго Роббига гўёки севги совғаси сифатидаги қутида тирик каламуш юборади. Уилл Смит актёрдан ҳақиқий ўқларни олади. Интервьюда Смит аслида у Жареднинг ўзи билан ҳеч қачон гаплашмаганлигини айтади. Актёрлар суратга олиш майдончасида тахминан олти ой бирга ишлайди, лекин ҳеч қачон камерадан ташқарида саломлашмаган ёки гаплашмаган ҳам.
Жулиа Робертс ва Никол Кидман — “Уларнинг кўзларидаги сир”
Жулия Робертс ва Никол Кидман доим кино саноатида рақиб бўлиб келган. Кидман “Чиройли аёл” фильмидаги рол учун навбатдаги даъвогар эди. У, шунингдек, Хю Грант билан “Ноттинг-Хилл”да ўйнашни хоҳларди, лекин ўша пайтда унчалик таниқли эмас эди. Улар 2015 йилдагина “Уларнинг кўзларидаги сир” фильмида бирга ишлашади.
Актрисалар омма олдида бир-бирлари ҳақида ижобий гапиришларига қарамай, суратга олиш майдонида муносабатлари унчалик яхши эмасди. Робертсга Кидманнинг суратга олиш майдончасидаги хатти-ҳаракатлари ёқмайди. У актрисанинг такаббурлиги ва ҳамкасбларига нисбатан бепарво муносабатидан ғазабланади.
Том Сайзмор ва Вал Килмер — “Қизил сайёра”
“Қизил сайёра”ни суратга олиш чоғида Том Сайзмор суратга олиш майдончасига эллиптик тренажёр олиб келишни талаб қилган ва бу Вал Килмерни ғазаблантирган. У гонорарлар фарқидан ҳам норози эди. Килмернинг кўплаб ҳамкасблари уни зиддиятли шахс деб билишган.
Бир куни Сайзмор Килмерга гантел улоқтиради. Фильм режиссёри Энтони Хоффман актёрларнинг оғзаки жанжали эртами-кечми жиддий нарсага айланишини тушунади. У Сайзмор ва Килмердан ҳеч бўлмаганда жароҳатларсиз уришишларини ва уларнинг можароси суратга олиш ишларини секинлаштирмаслигини таъминлашни сўрайди.
LL Cool J ва Жейми Фокс — “Ҳар якшанба”
“Ҳар якшанба” фильмининг сюжет и футбол жамоаси атрофига қурилган ва бош қаҳрамонлар ўртасида таранглик аста-секин кучаяди. Можаронинг кулминацион нуқтаси ечиниш хонасидаги муштлашув саҳнаси бўлиши керак эди, бу эса ҳақиқий бўлади.
Жейми Фокс доимий равишда LL Cool J’ни масхара қилган. Суратга олиш пайтида актёр ва рэпер ўртасида оғзаки жанжал бошланади, кейинчалик у қисман фильмга ҳам киритилади. Бироқ бу жанжал нафақат баланд овоз билан тугайди, балки суратга олиш ишлари ҳам сўроқ остида қолади.
Эртаси куни LL Cool J хонасини қўриқлаш учун 85 киши қуршовида келади. Можаро Миллий футбол лигаси футболчиси Жеймс Браун ёрдамида ҳал қилинади — у санъаткорларни ўз ҳаракатларининг оқибатлари ҳақида ўйлашга чақиради. Кейинчалик Жейми Фокс ва LL Cool J дўст бўлиб, ҳатто бирга бир нечта трек ҳам ёзади.
Дебра Вингер ва Ширли Маклейн — “Нафосат тили”
Ширли Маклейн “Нафосат тили” драмасидаги шеригини калта юбка ва беретда кўрганида, ўзи билан Дебра Уингер ўртасидаги фарқни дарҳол пайқаб қолади. Суратга олиш майдонида актрисалар қаҳрамонларининг муносабатларини ҳақиқий ҳаётга кўчиргандек, доимий равишда рақобатлашади ва баъзида куч ишлатиш билан низолар келиб чиқади. Кейин Жек Николсон улар ўртасида воситачи бўлади.
Фильм “Оскар”га номзод бўлади — иккала актриса ҳам “Энг яхши аёл роли” номинациясида мукофотга даъвогарлик қилади. Ҳайкалчага Маклейн сазовор бўлади ва ўз нутқида Уингер каби машҳур актриса билан ишлаганидан хурсанд эканлигини айтади, бироқ камера Дебранинг киноя билан кулаётганини ушлашга муваффақ бўлади.
Изоҳ (0)