Жулия Робертс Голливуддаги кўпчилик актрисаларга ўхшамайди. У ҳар ҳафта ижтимоий тармоқларда фарзандларининг суратларини кўз-кўз қилмайди, қаердалиги ҳақида твит ёзмайди. Актриса интернетдан ва мухлислар нигоҳидан ташқарида яшашни афзал кўради, у рафиқа ва она сифатида жуда бахтли ҳаёт кечиради.
Ҳашаматдан холи ҳаёт
2000 йилларнинг бошида Жулия Робертс машҳурликнинг энг юқори чўққисида эди. Ҳар йили экранларда у бош ролни ижро этган супер ҳит пайдо бўларди. Актриса ҳашаматли ҳаёт кечирарди, вақти-вақти билан Манхеттендаги мода бутиклари ва ресторанларига кирарди. Кейин эса у кинематограф Даниэль Модер билан танишиб қолади ва ҳаёти тубдан ўзгаради.
Ўтмишдаги муносабатларида актриса машҳурлиги туфайли бир неча марта шов-шувга сабаб бўлган. Эркаклар унинг шон-шуҳрати соясида қолишни хоҳламасдилар. Модер учун севгилисининг муваффақияти муаммо эмасди. У актрисани борича қабул қилди, натижада Голливуд гўзалининг қалбини забт этди. Робертс унинг Лос-Анжелесдаги камтарона квартирасига кўчиб ўтди. Кечагина кўчадан келмайдиган таниқли юлдуз машҳур бўлмаган одам билан қўлтиқлашиб, узоқ сайр қилишларни севиб қолди.
Актриса оддий ҳаётга тез мослашди. Тўйи куни Жулия меҳмонларга овқат тайёрлаш учун қимматбаҳо кўйлагини ечиб, оддий жинси шим кийиб олди. “Бу Америкадаги ҳар қандай одамнинг ҳовлисида бўладиган барбекюга ўхшарди”, — дейди меҳмонлар.
Эр-хотиннинг дўстлари ҳам тўйни байрамдек нишонлашади. Масалан, Брюс Уиллис гармошка чалган. Ярим тунда Робертс дискони ёқиб, рақс майдончасига тушади. Ҳақиқатан ҳам Голливуд элиталари учун ноодатий маросим. Аммо жуфтликнинг тўйи қандай бўлгани уларнинг келажакдаги ҳаётлари қандай бўлишининг ажойиб намунаси эди.
“Ўз вақтидаги” оналик
Актриса 35 ёшида турмушга чиқди, орадан 2 йил ўтиб биринчи марта она бўлди. Робертс интервьюсида нима учун аввал фарзанд кўрмаганини шундай тушунтиради: “Фарзандли бўлганимизда мен кўп нарсага эришдим ва ўзимни дадил ҳис қилдим. Ҳаётимнинг янги, “оилавий” босқичини бошлаганимдан чин дилдан хурсанд бўлдим”.
Туғуруқ таътилидан кейин кўп актрисалар кинога қайтишга муваффақ бўлишди. Аммо Жулияни унутилиш ҳисси хавотирга солмасди. Режиссёрлар фильмларида суратга тушиш таклифлари билан навбатда туришарди. Аммо Жулия уларни куттирган ҳолда ўзини бутунлай оиласига бағишлади.
Эгизаклари туғилгандан сўнг актриса экранларга қайтишга шошилмади. Робертс оддийгина эри ва эгизаклари билан Ню-Мексикодаги ранчога — ҳамма нарсадан узоқлашиб, ҳаётнинг янги босқичидан завқланишни орзу қиларди. У ўзи учун шундай янги ролга кирдики, 3 йилдан кейин у 3-фарзандини дунёга келтирди.
Тўлиқ иш кунидаги она
Робертс ҳаётида кўплаб ёрқин воқеалар ва ютуқларга эришди, жумладан, “Оскар”, дунёдаги энг гўзал аёл ва энг юқори маошли актриса унвонлари шулар жумласидан.
Шовқинли олқишлар ўрнига – болаларнинг кулгиси, камера қаршисида ўйнаш ўрнига – болалари учун иштончалар тикиш. Ким ўйлабди дейсиз, лекин Жулия Робертс бошқа касбларнинг ҳам устаси бўлиб чиқди. “Миям доим актив бўлиши учун тикув машинасини ишлатишни ўргандим”, дейди у. Гардеробдаги эксклюзив нарсалар эса бонусга айланди.
“Болаларим мени ажойиб ошпаз деб билишади!” — актриса ғурур-ла одамлар билан баҳам кўрадиган ютуқлардан бири. Бугунги кунда унинг катта фарзандлари 18 ёшда, энг кичиги 15 ёшда. Туғуруқ таътили аллақачон ўтиб кетган, лекин Жулиянинг уй бекаси бўлиш ва оиласига катта эътибор бериши ўзига ёқади.
У ўзини актрисадан кўра кўпроқ уй бекаси деб билади. “Шундай кунлар бўладики, — дейди у, — нонуштадан кейин ошхонани тозалаб тугатишим билан тушлик тайёрлашни бошлашга тўғри келади. Ундан сўнг қарабсанки, кечки овқат вақти келиб турибди. Эҳтимол, бундай сценарий кўпчилик ота-оналарига танишдир. Аммо бошқа томондан Жулия баъзида уй ишларини оиласи билан бажариб, кунни катта байрамга айлантиради.
“Телефонингиздан кўз узмасдан болаларингиз билан вақт ўтказишни хоҳламайсиз, шундай эмасми? Сиз уларга бутун эътиборингизни қаратишни хоҳлайсиз”, — деб оддийгина қилиб юлдуз ўз ҳаёт фалсафаси билан ўртоқлашади. У иши ва болалари орасига бузилмас девор қуриб, уларни бир-бирига аралаштириб юбормасликка ҳаракат қилади.
Голливуддаги одатга кўра, Жулия ва Даниэль ҳеч қачон ёш болалари билан қизил гиламдан юрмаган. Эр-хотин шахсий ҳаётларининг барча тафсилотларини оммадан яширади. 2021 йилдагина ўша пайтда 17 ёш бўлган қизи отаси билан Канн кинофестивалида кўриниш берди.
Жулия Робертснинг айтишича, у ота-оналик учун мукаммал шерик учратганини англагандагина она бўлишга қарор қилган. 20 йилдан кўпроқ вақт ўтгач, эр-хотин ҳақиқатан ҳам яхши жамоа эканликларини исботладилар.
Шунга қарамай, вақти-вақти билан ҳар қандай онада бўлгани каби актрисани баъзи саволлар қийнайди: “Баъзида мен ҳамма нарсани бузганимдан қўрқиб кетаман. Бориб болаларимдан сўрайман: “Хўш, мен бугун қандай онаман?”. Олдингизда: “Сиз ҳаммасини тўғри қиляпсиз”, дейдиган одам бўлса, қандай яхши”.
Изоҳ (0)