Шавкат Мирзиёев 16 март куни Туркий давлатлар ташкилоти навбатдан ташқари саммитининг асосий тадбирлари доирасида Венгрия бош вазири Виктор Орбан билан учрашув ўтказди. Бу ҳақда Президент матбуот хизмати хабар берди.
Қайд этилишича, учрашув аввалида давлат раҳбари бош вазир ва дўст венгер халқини миллий байрам — Венгрия инқилоби куни билан самимий қутлаган.
Икки томонлама стратегик шериклик муносабатлари ва кўп қиррали ҳамкорлик жадал ривожланиб бораётгани катта мамнуният билан қайд этилган.
.jpg)
“Мамлакатларимизнинг етакчи компаниялари иштирокидаги қўшма инвестиция лойиҳаларини қўллаб-қувватлаш ва тезлаштириш масалалари кўриб чиқилди. Тўғридан тўғри авиақатновларни йўлга қўйиш ҳамда Ўзбекистон ва Венгрия корхоналарининг самарали кооперацияси учун ишлаб чиқариш майдонини ташкил этишга алоҳида эътибор қаратилди”, — дейилади хабарда.
Шунингдек, халқаро кун тартибидаги долзарб масалалар юзасидан ҳам фикр алмашилган.
Изоҳ (0)