KFC ва EVOS етакчи: 2022 йилда умумий овқатланиш соҳасида энг кўп солиқ тўлаганлар маълум бўлди

Ўзбекистонда 2022 йилда умумий овқатланиш фаолияти билан шуғулланувчи 18 793 та компания томонидан 846,6 млрд сўм солиқ тўланган. 

Шундан 142,2 млрд сўми, яъни 16,8 фоизи 20 та корхона ҳисобига тўғри келади. Улар тўлаган солиқлар 1,4 трлн сўм товар айланмасининг 10 фоизини ташкил этган, қўлланган солиқ имтиёзлари миқдори эса 23,2 млрд сўм бўлган. 

Мазкур соҳада 2022 йил давомида энг кўп солиқ тўловчилар орасида KFC ресторанлар тармоғига эгалик қилувчи International Foodchain компанияси етакчилик қилмоқда — 34,5 млрд сўм. 

Бу борада иккинчи ўринда EVOS ресторанлар тармоғи қайд этилган — 24,7 млрд сўм. KFC ҳам, EVOS ҳам 2022 йилда 3,6 млрд сўмлик солиқ имтиёзларига эга бўлган. 

Умумий овқатланиш соҳасида барча солиқ тўловчилар томонидан таъминланган тушумлар солиқ турлари кесимида: 

• ҚҚС — 90,7 млрд сўм; 
• Фойда солиғи — 26,3 млрд сўм; 
• ЖШОДС — 23,7 млрд  сўм;
• Мол-мулк солиғи — 1,1 млрд сўм;
• Ер солиғи — 0,4 млрд сўм.

Ўтган йили умумий овқатланиш соҳасидан жами 846,6 млрд сўм солиқ тушумлари келиб тушган. Бу ишлаб чиқариш соҳасида «Ўзметкомбинат» тўлайдиган солиқдан ҳам камроқ.