Нукусда портлаган тўрт қаватли уй вайроналари остидан олиб чиқилган 5 ёшли қизалоқ Элвира Тирнакова вафот этди. Бу Telegramъдаги Қитмир мухбир канали хабар берди.
2023 йилнинг 30 январь куни соат 02:30 ларда ФВВ қутқарувчилари томонидан турли даражадаги жароҳатлар билан вайроналар остидан олиб чиқилган қизалоқ малакали тиббий ёрдам кўрсатиш учун шифохонага юборилганди.
“Дарё”га маълум бўлишича, вайроналар остидан олиб чиқилган 5 ёшли қизалоқ 8 март куни шифохонада вафот этган. Республика Соғлиқни сақлаш вазирлиги ахборот хизматининг қўшимча қилишича, қизалоқда биологик ўлим 8 март куни тунги соат 01:20 да рўй берган.
Нукусдаги кўп қаватли уй портлаши оқибатида Элвира Тирнакованинг бувиси, онаси (1995 йилда туғилган) ва туғилганига 100 кун бўлган укаси вафот этганди. Ҳозирда оиланинг фақат битта аъзоси — Элвиранинг отаси Қоблан Тирканов ҳаёт. У ҳодиса юз берган вақти Тошкентда бўлган.
Изоҳ (0)