Ўзбекистонда хусусий мактаблардаги ўқувчилар сони 5 йилда — 2018/2019 ўқув йили бошига нисбатан 30 мингга ошди. Бу ҳақда Статистика агентлиги ахборот хизмати хабар берди.
Статистика агентлиги маълумотларига кўра, 2022/23-ўқув йили бошига фаолият юритаётган 194 та нодавлат умумтаълим ташкилотларида жами 45 927 нафар ўқувчи таҳсил олмоқда. Нодавлат умумтаълим ташкилотларида таҳсил олаётган ўқувчилар сонини 2018/2019 ўқув йили бошига нисбатан таққослаганда 32 158 нафарга кўпайган.
Йиллар кесимида нодавлат умумтаълим ташкилотларида таҳсил олаётган ўқувчилар сони:
- 2018/2019-ўқув йили бошига – 13 769 нафар;
- 2019/2020-ўқув йили бошига – 21 042 нафар;
- 2020/2021-ўқув йили бошига – 26 970 нафар;
- 2021/2022-ўқув йили бошига – 30 553 нафар;
- 2022/2023-ўқув йили бошига – 45 927 нафар.
Аввалроқ Мактабгача ва мактаб таълими вазирлигида “Вазирга мурожаат” портали ишга туширилгани ҳақида хабар берилганди.
Изоҳ (0)