Грипп — бу шунчаки вирусли касаллик эмас, у бизни бир неча кун тўшакка михлаб қўяди ва маълум вақт давомида ишлаш, мулоқот қилиш ва нормал ҳаёт кечиришни имконсиз қилади. Грипп зарур даражада даволанмаса, бемор “оёқда ўтказиб юборса”, ўз вақтида тиббий ёрдамга мурожаат қилинмаса ёки шифокор тавсияларига амал қилинмаса, хавфли асоратлар ривожланиш эҳтимоли йўқ эмас.
Энг кенг тарқалган (ва ўлимга олиб келадиган) асоратлар пневмония, миёкардит (юрак яллиғланиши), сепсис ва энсефалитдир. Гриппнинг ҳалокатли касалликка айланган бўлиши мумкин бўлган огоҳлантирувчи белгиларни билиш муҳимдир.
Қийин нафас олиш
Бу нафақат грипп ёки коронавирус билан оғриган деярли барча беморлар дуч келадиган бурун битиши эмас: нафас олиш қийинлишуви ёки дам олишда нафас қисилиши имкон қадар тезроқ шифокорга мурожаат қилиш ва ўпкани флуорография қилиш учун сабабдир. Ушбу аломат пневмония ривожланиши ҳақида огоҳлантириши мумкин. Астма билан касалланган одамлар, айниқса, хавф остида бўлади.
Кўкрак ёки қорин соҳасида оғриқ
Грипп пайтида ёки ундан кейин қорин ёки кўкрак қафасида кучсиз оғриқлар кузатилса, имкон қадар тезроқ шифокор ҳузурига бориш зарур. Гриппдан олдин юрак етишмовчилиги бўлган бўлса, гриппдан кейин юракнинг ҳолатини, албатта, текшириш керак. Агар кўкрак ёки қорин бўшлиғида ўткир оғриқ ёки ёниш ҳисси пайдо бўлса, дарҳол шифокорни чақиринг, миёкардит ёки перикардит каби хавфли юрак инфекциялари ҳақида дарак бериши мумкин.
Тўсатдан бош айланиши
Қаттиқ бош айланиши, ориeнтация ҳисси ва когнитив бузилиш (масалан, сиз таниш сўзни топишда қийналяпсиз ёки умуман диққатни жамлай олмайсиз) ҳам имкон қадар тезроқ шифокорга мурожаат қилиш учун сабабдир. Шу билан бирга тана ҳароратининг кўтарилиши (38 ва ундан юқори) сепсис ривожланишининг эҳтимолий аломатидир.
Кучли ёки доимий қусиш
Баъзан грипп кўнгил айниш ва қайт қилиш ҳисси билан бирга келади, лекин одатда бу аломатлар сизни бир ёки икки кундан ортиқ безовта қилмаслиги керак. Агар қусиш узоқ давом этса ёки баланд иситма ва бемор қон аралаш қайт қилса, дарҳол шифокорни чақиринг. Бу ҳам ҳалокатли оқибатларга олиб келиши мумкин.
Мавзуга доир:
Изоҳ (0)