Болгариянинг София шаҳрида ўтаётган бокс бўйича Странжа—2022 мусобақасида 26 февраль, якшанба куни финал баҳслари бўлиб ўтмоқда
Аёллар мусобақасида -48 кг вазн тоифасида Ўзбекистон шарфини ҳимоя қилган Саидахон Раҳмонова мезбон спортчи Севда Асеновага қарши рингга чиқди ва имкониятни бой берди.
Шодиёржон Мелиқўзиев (-48 кг) ҳиндистонлик Говинд Кумарни енгди (4:1);
Ҳасанбой Дўстматов (-51 кг) эса аргентиналик Никанор Рамонга имкон қолдирмади (5:0).
Миразизбек Мирзахалилов (-54 кг) Болгария вакили Ясен Радевга қарши жанг олиб борди. Жанг давомида ўзбекистонлик боксчи фаолроқ бўлди ва рақибига сезиларли зарбалар берди. Иккинчи раундда мезбон спортчи нокдаун ҳолати тушди, бироқ барча раундлар Радевнинг фойдасига ёзилди. Якунда 1:4 ҳисобида Мирзахалилов рақибига енгилгани қайд этилди.
Аввалроқ Баҳодир Жалолов ва Шоҳжаҳон Абдуллаев рақиблари рингга чиқишдан бош тортгани сабаб олтин медални муддатидан аввал қўлга киритгани маълум бўлганди.
26 февраль куни яна бир неча ўзбекистонлик боксчи финал жангида иштирок этади:
- -60 кг: Адҳамжон Муҳиддинов – Радослав Росенов (Болгария)
- -63,5 кг: Руслан Абдуллаев – Мужибилло Турсунов
- -67 кг: Асадхўжа Мўйдинхўжаев – Бекзод Ҳамидов
- -71 кг: Саиджамшид Жаъфаров – Ердемир Тугрухан (Туркия)
- -86 кг: Шоҳжаҳон Абдуллаев – Винченсо Лиззи (Италия)
- +92 кг: Баҳодир Жалолов – Давит Чалоян (Арманистон)
Изоҳ (0)