Тошкент шаҳри Чилонзор туманида 2022 йил октябрь ойида хотинини бўғиб ўлдирган эркакка суд ҳукми ўқилди. Бу ҳақда “UzReport” хабар берди.
Маълум бўлишича, судланувчи ва марҳума 2016 йилда қонуний никоҳдан ўтган. Уларниг 2 нафар вояга етмаган фарзанди бор. Оила мунтазам жанжаллашиб келиши оқибатида 2022 йилнинг октябрида эр-хотин ўртасида келишмовчилик юзага келиб, аёл эрини “онаси”дан ҳақорат қилган.
Шундан сўнг судланувчи аёлининг ҳақоратларини ўзининг эркаклик ғурурига теккан деб ҳисоблаб, уни қасддан ўлдирган. Аёлнинг қорнида 9 ойлик ҳомиласи бўлган ва у 3 кундан сўнг кўзи ёриши керак бўлган.
“Қизим 2022 йилнинг бошларида ҳомиладор бўлди, куёвим агарда қиз фарзанд бўлса, керак эмас. Агар қиз бўлса, чақалоқни туғуруқхонага ташлаб келасан, бўлмаса ўзингни ҳам, фарзандларингни ҳам ўлдираман”, деб қўрқитиб келган“, — дейди марҳуманинг отаси.
Судланувчи чиқинди йиғиш майдончасидаги 1 хонали хонадонда аёли ёлғизлиги, ҳомиладорлиги сабабли ўзини ҳимоя қила олмаслигидан фойдаланиб, бўғиб ўлдирган. Аммо у суд жараёнида айбини тан олмай, бу воқеага аёлнинг тоғаси сабабчи эканини ва турмуш ўртоғнинг ҳомиладор эканидан хабари йўқлигини айтган.
Эркак Жиноят кодексининг 97-моддаси 2-қисми ”б” бандида назарда тутилган жиноятни содир этганликда айбли деб топилиб, унга 18 йил муддатга озодликдан маҳрум қилиш жазоси тайинланган.
Изоҳ (0)