Туркиянинг зилзила рўй берган Ҳатай вилоятидаги бир нечта маҳалла 2013 йилда хавфли ҳудуд деб топилган

Туркиянинг зилзила содир бўлган Ҳатай вилоятидаги бир нечта маҳаллалар 2013 йилдаёқ энг хавфли ҳудудлар сифатида эътироф этилган. Бу ҳақда “Дарё”га Туркия республикаси президенти ҳузуридаги Коммуникациялар бошқармасининг Тошкент элчихонаси Коммуникациялар бўйича маслаҳатчиси Ҳамди Туршужу хабар берди.

Маълум қилинишича, хориж ОАВда Туркиядаги зилзила ҳақида хабарлар тарқалиб, “Зилзила ҳудуди хавфли эмасмиш”, деган маълумотлар келтирилган.

“Баъзи оммавий ахборот воситаларидаги ‘Зилзила ҳудуди хавфли эмасмиш’ сарлавҳаси билан эълон қилинган хабарлар ҳақиқатни акс эттирмайди. 65 фоизи лицензиясиз бинолардан иборат бўлган Ҳатайнинг Искендерун туманидаги Мейдан, Эсентепе, Жумҳурият, Нумуне, Пинарбоши ва Модерневлер маҳаллалари Вазирлар Кенгаши қарори билан 2013 йилда хавфли ҳудуд деб эълон қилинган эди”, — дейилади расмий маълумотида.

Таъкидланишича, зилзилага тайёргарлик кўриш мақсадида олиб борилаётган шаҳарни ўзгартириш ишларига айрим жойлардан эътирозлар келиб, Вазирлар Кенгашининг ушбу қарори судга етказилган. Эътирозга кўра, Вазирлар Кенгашининг “хавфли ҳудуд” қарори Олий Суд (Daniştay) томонидан бекор қилинган. Шундан сўнг, ҳудуддаги лицензиясиз бинолар одамларнинг ҳаёти ва мол-мулкини йўқотишига олиб келмаслиги учун Вазирлар Кенгаши қарори билан ушбу ҳудудлар қайта хавфли ҳудудлар деб эълон қилинган. Бироқ худди шу сегментлар бу қарорни судга беришди ва яна бекор қилинганидан кейин шаҳарни ўзгартириш жараёнини тўсиб қўйган.

“Жараёнга йўл очиш учун, илмий ва техник ҳисоботларни ҳисобга олган ҳолда, ҳудудга асосланган шаҳар ўзгариши ўрнига участкага асосланган трансформация жараёнини бошлашга қарор қилинди. Давом этаётган жараёнда атроф-муҳит, шаҳарсозлик ва иқлим ўзгариши вазирлиги, Ҳатайда ТОКİ томонидан амалга оширилган шаҳарни ўзгартириш ишлари доирасида юқорида қайд этилган ҳудуддаги фуқароларимизнинг 80 фоизи билан келишувга эришди. 460 та уй учун тендер бошланди ва жараён давом этмоқда”, — дейди Туркия Республикаси президенти ҳузуридаги Коммуникациялар бошқармасининг Тошкент элчихонаси Коммуникациялар бўйича маслаҳатчиси Ҳамди Туршужу.