WR Chess Masters. Бугун Нодирбек Абдусатторов яна бир нуфузли мусобақадаги иштирокини бошлайди

Германиянинг Дюссельдорф шаҳрида 15—26 февраль кунлари шахмат бўйича WR Chess Masters мусобақаси ўтказилади.

Мусобақада дунёнинг 10 нафар таниқли гроссмейстерлари бош соврин учун кураш олиб боради. Улар қаторида ўзбекистонлик шахматчи Нодирбек Абдусатторов ҳам бор.

Мусобақада Абдусатторовдан ташқари Ян Непомняший, Андрей Есипенко (иккиси – FIDE, Россия), Аниш Гири (Нидерландия), Уэсли Со, Левон Арониан (иккиси – АҚШ), Ян-Кшиштоф Дуда (Польша), Винсент Кеймер (Германия), Доммаражу Гукеш, Рамешбабу Прагнанандҳа (иккиси – Ҳиндистон) каби шахматчилар иштирок этади.

16 февраль куни Абдусатторов 1-тур доирасида дунёнинг иккинчи рақамли шахматчиси Ян Непомняшийга қарши дона суради.

Нодирбек Абдусатторовнинг мусобақадаги тақвими билан танишинг:

• Абдусатторов — Непомняший (16 февраль)
• Абдусатторов — Есипенко (17 февраль)
• Абдусатторов — Арониан (18 февраль)
• Абдусатторов — Прагнанандҳа (19 февраль)
• Абдусатторов — Кеймер (21 февраль)
• Абдусатторов — Гукеш (22 февраль)
• Абдусатторов — Дуда (23 февраль)
• Абдусатторов — Гири (24 февраль)
• Абдусатторов — Со (25 февраль)

18 ёшли Абдусатторов январь ойида Нидерландияда ўтган Tata Steel Chess мусобақада иккинчи ўринни эгаллаганди. Сўнгги турга қадар пешқадам бўлиб турган ўзбекистонлик шахматчи охирги турдаги мағлубият сабаб Аниш Гиридан қолиб кетганди.

Шу тариқа Нодирбек бир ойга қолмай иккинчи нуфузли мусобақа иштирокчисига айланмоқда.