Tata Steel Chess 2023. Nodirbek Abdusattorov so‘nggi turdagi mag‘lubiyat sabab musobaqani 2-o‘rinda yakunladi. Javohir Sindorov o‘z guruhida uchlikdan joy oldi

Niderlandiya mezbonligida o‘tgan Tata Steel Chess 2023 musobaqasida so‘nggi tur bahslari 29-yanvar, yakshanba kuni bo‘lib o‘tdi.

Masters turnirida ishtirok etgan Nodirbek Abdusattorov 13-turda mezbon shaxmatchi Yorden van Forestga qarshi dona surdi. Oq donalarda harakat qilgan Nodirbek mag‘lubiyatga uchradi va 8 ochko (4 g‘alaba, 8 durang, 1 mag‘lubiyat) bilan musobaqani ikkinchi o‘rinda yakunladi.

Anish Giri 8,5 ochko bilan musobaqa g‘olibiga aylandi. Magnus Karlsen (8) esa kuchli uchlikdan joy oldi.

Qayd etish kerak, Abdusattarov klassik shaxmatdagi ilk katta turnirida uzoq vaqt davomida peshqadam bo‘lib turdi. U amaldagi jahon chempioni Magnus Karlsenni mag‘lub etishga erishdi.

Tata Steel Chess 2023 Masters musobaqasida yakuniy jadval quyidagi ko‘rinishni oldi:

Challengers musobaqasida ishtirok etgan Javohir Sindorov 13-turda g‘alaba qozondi va 8,5 ochko bilan uchichni o‘rinni qo‘lga kiritdi.