Россия етакчи: Ўзбекистонда қайси давлат компаниялари кўпаймоқда?

Ўзбекистонда жорий йилнинг январь ойида янги чет ташкил қилинган корхоналар сони 207 та бўлди. Бу ҳақда Статистика агентлиги хабар бермоқда. 

Маълум бўлишича, янги компанияларнинг 147 таси Тошкентда ташкил этилган. 

Ўтган ой хорижий капитал иштирокида йўлга қўйилган янги компаниялар сони сўнгги уч йилликдаги энг юқориси бўлди.

Давлатлар кесимида россияликлар январь ойида Ўзбекистонда 66 та янги компания очди. Ўтган йилнинг январь ойида бу кўрсаткич 23 та эди. 

Ғарб томонидан киритилган санкциялар оқибатида россиялик бизнес эгалари компанияларини Марказий Осиёга кўчирмоқда. Ўзбекистонда Россия компаниялари кўпаётгани шу жараён билан боғлиқ. 

Шунингдек, январда янги ташкил қилинган Хитой компаниялари иккинчи (23 та) бўлган бўлса, турк капитали иштирокидаги янги компаниялар учинчи (18 та) бўлди. 

Ўзбекистонда фаолият олиб бораётган Россия компанияларининг умумий сони 3 151 тага етган. Энг яқин Туркияда бу кўрсаткич 3 052 та.

Кейинги беш йилда хорижий капитал иштирокида фаолият кўрсатаётган корхоналар сони 2 баробарга ошди.