Кеча, 14 февраль куни АҚШ Меҳнат департаменти январь ойида истеъмол нархлари индекси ўтган ойга нисбатан 0,5 фоизга, 2022 йил январига нисбатан эса 6,4 фоизга ошганини маълум қилди.
Йиллик асосда АҚШ инфляцияси кетма-кет еттинчи ойда секинлашди.
Бироқ, ойлик динамика (+0,5 фоиз) нуқтаи назаридан, январдаги кўрсаткич 2022 йил октябридан бери энг юқори кўрсаткич бўлди. Декабрь ойида инфляциянинг ойлик кўрсаткичларда ўсиши атиги 0,1 фоизни ташкил этганди.
Bloomberg таҳлилчилари январь ойида кичикроқ йиллик ўсишни (+6,2 фоиз) кутишган эди. АҚШда январь ойидаги инфляция энергия нархлари (+2 фоиз) ва тегишли транспорт харажатлари (+0,9 фоиз) билан бир қаторда яшаш харажатлари +0,7 фоиз, озиқ-овқат нархлари эса ўртача ўсишида кўринади. Нархларнинг декабрь ойига нисбатан пасайиши ишлатилган автомобиллар (-1,9 фоиз) ва тиббий хизматлар (-0,7 фоиз) каби тоифаларда қайд этилди.
Америка фонд бозори январь ойидаги инфляция маълумотларини кутаётган эди, чунки Федерал резерв тизимининг базавий чегирма ставкасига нисбатан кейинги сиёсати кўп жиҳатдан уларга боғлиқ.
Февраль ойи бошида Фед асосий ставкани 0,25 фоизгача ошириш суръатини секинлаштириб, уни йилига 4,5—4,75 фоиз даражасида белгилаб қўйди ва АҚШда инфляция босимининг заифлашишини қайд этди.
Январь ойи инфляцияси ҳақидаги маълумотлар эълон қилинганидан кейинги дастлабки соатларда АҚШ фонд индекслари нисбатан 0,7-1 фоизга ўсганини кўрсатди.
Изоҳ (0)