Тошкент вилояти Қуйи Чирчиқ туманида эр рашк сабаб турмуш ўртоғини боғчада бўғиб, уриб, эртаси куни пичоқлаб ўлдирганди. Суд ҳукми билан унга жазо тайинланди.
“Аёлим билан ажрашиш учун ариза бергандим. Аёлим билан ишлайдиган ҳамкасби менга телефон қилиб, аёлим бошқа билан учрашиб юрганини айтганди. Кейин, шубҳаланиб, аёлимнинг телефонини олиб қўйганман. Телефонга бегона эркакдан хабар келган. Жаҳлим чиқиб, кечаси аёлимнинг ота уйига борганман. Аёлим билан бироз гаплашиб ўтирганимиздан кейин бегона эркакдан яна хабар келган. Пичоқ аёлимнинг қўлида эди, уни тортиб олмоқчи эдим бўйнига кириб кетди. Икки нафар фарзандим бор. Қилган ишимдан мингдан-минг пушаймонман”, — деган судланувчи эркак.
“Миллар” информацион дастурида маълум қилинишича, Жиноят ишлари бўйича Қуйи Чирчиқ тумани судида 32 ёшли эркак Жиноят кодексининг 97-моддаси 2-қисми “ж” банди (ўта шафқатсизлик билан қасддан одам ўлдириш) ҳамда 164-модданинг (босқинчилик) 1-қисми билан айбдор деб топилиб, унга нисбатан 19 йил озодликдан маҳрум қилиш жазоси тайинланди.
Изоҳ (0)