Дубайдан Тожикистоннинг пойтахти Душанбе шаҳрига учаётган самолёт 15 февраль куни Самарқандга қўнишга мажбур бўлди. Бу ҳақда Uzbekistan Airports ахборот хизмати хабар берди.
Хабарга кўра, Flydubai FZ793 рейси қалин туман сабаб кўришнинг ёмонлашуви туфайли Душанбе аэропортига қўна олмади ва Самарқанд халқаро аэропортидаги муқобил аэродромга йўналтирилди.
Бортида 141 йўловчи бўлган самолёт маҳаллий вақт билан соат 03:01да Самарқанд аэропортига қўнди. Йўловчилар ва экипаж эса меҳмонхонага жойлаштирилди.
Маълум қилинишича, самолёт йўловчилари билан 16 февраль куни Самарқанд—Душанбе йўналишида парвоз қилиши режалаштирилган.
Изоҳ (0)