Kecha, 14-fevral kuni AQSH Mehnat departamenti yanvar oyida iste’mol narxlari indeksi o‘tgan oyga nisbatan 0,5 foizga, 2022-yil yanvariga nisbatan esa 6,4 foizga oshganini ma’lum qildi.
Yillik asosda AQSH inflyatsiyasi ketma-ket yettinchi oyda sekinlashdi.
Biroq, oylik dinamika (+0,5 foiz) nuqtai nazaridan, yanvardagi ko‘rsatkich 2022-yil oktabridan beri eng yuqori ko‘rsatkich bo‘ldi. Dekabr oyida inflyatsiyaning oylik ko‘rsatkichlarda o‘sishi atigi 0,1 foizni tashkil etgandi.
Bloomberg tahlilchilari yanvar oyida kichikroq yillik o‘sishni (+6,2 foiz) kutishgan edi. AQSHda yanvar oyidagi inflyatsiya energiya narxlari (+2 foiz) va tegishli transport xarajatlari (+0,9 foiz) bilan bir qatorda yashash xarajatlari +0,7 foiz, oziq-ovqat narxlari esa o‘rtacha o‘sishida ko‘rinadi. Narxlarning dekabr oyiga nisbatan pasayishi ishlatilgan avtomobillar (-1,9 foiz) va tibbiy xizmatlar (-0,7 foiz) kabi toifalarda qayd etildi.
Amerika fond bozori yanvar oyidagi inflyatsiya ma’lumotlarini kutayotgan edi, chunki Federal rezerv tizimining bazaviy chegirma stavkasiga nisbatan keyingi siyosati ko‘p jihatdan ularga bog‘liq.
Fevral oyi boshida Fed asosiy stavkani 0,25 foizgacha oshirish sur’atini sekinlashtirib, uni yiliga 4,5—4,75 foiz darajasida belgilab qo‘ydi va AQSHda inflyatsiya bosimining zaiflashishini qayd etdi.
Yanvar oyi inflyatsiyasi haqidagi ma’lumotlar e’lon qilinganidan keyingi dastlabki soatlarda AQSh fond indekslari nisbatan 0,7-1 foizga o‘sganini ko‘rsatdi.
Izoh (0)