Қатар амири “ПСЖ” билан биргаликда “Манчестер Юнайтед”га ҳам эгалик қилмоқчи.
The Guardian нашрининг хабар беричича, “Манчестер Юнайтед”ни қўлга киритиш ва “ПСЖ”ни сақлаб қолишга ҳаракат қилаётган Қатар амири Тамим ибн Ҳамад ат-Тани стратегияси УЕФАга ҳар бир клуб алоҳида ташкилот томонидан назорат қилинишини кўрсатишдан иборат.
УЕФА қоидаларига кўра бир ташкилотга тегишли бўлган клублар битта мусобақада ўзаро тўқнаш келмайди. Қатарликлар буни тушуниб турибди ва бу жабҳада ўсишга эришиш йўлларини изламоқда.
Айни дамда вариантлардан бири — УЕФА “Манчестер Юнайтед” ва “ПСЖ”даги тузилма ва ходимлар бошқармаслигини кўрсатиш.
Бу талқин иш беришича умид бор, айниқса, бунга мисол ҳам мавжуд. “Зальцбург” ва “Лейпциг” жамоаларининг эгаси Ред Булл ГмбҲ ҳисобланади. 2018 йил сентябрь ойида эса Австрия ҳамда Германия клублари Европа Лигаси доирасида ўзаро тўқнаш келган.
Аввалроқ, қатарликлар “қизил иблислар”ни сотиб олишга жиддий киришгани ҳақида хабар қилинганди. “Манчестер Юнайтед” эгалари клубни 6 миллион фунтдан кўпроқ миқдордаги маблағга пулламоқчи. Шунингдек, клубни сотиб оладиган инвестор “Олд Траффорд”ни реконструкция қилиши ёки уни бузиб ташлаб, ўрнида ултразамонавий арена барпо қилиши керак бўлади. Бундай лойиҳа тахминан 2 миллиард фунтга айланади ва қатарлик инвесторлар учун бу муаммо бўлмайди.
Изоҳ (0)