Исроил кучлари Ғарбий Соҳилдаги Наблус шаҳридаги рейд чоғида 17 ёшли фаластинлик ўсмирни ўлдирди. Бу ҳақда Al Jazeera хабар берди.
Фаластин Соғлиқни сақлаш вазирлигига кўра, 6 февраль куни Исроил кучлари томонидан беш нафар фаластинлик отиб ўлдирган, 7 февралда эса фаластинлик ўсмир нишонга олинган. 17 ёшли Ҳамза Амжад ал-Ашқар “Наблусга рейд пайтида Исроил кучлари томонидан юзига отилган ўқдан ўлдирилгани” айтилмоқда.
Исроил армияси ал-Ашқарни қўшинларга қарата ўқ узган қуролли шахс сифатида таърифлаган. 2023 йил бошидан бери Исроил кучлари томонидан ўлдирилган фаластинликлар сони 42 нафарга етди, улар орасида тинч аҳоли ҳам бор.
27 январь куни Исроилнинг Ғарбий Соҳилдаги Женин шаҳрида 10 нафар фаластинликни ўлдирганидан бир кун ўтиб, босиб олинган Шарқий Қуддусда фаластинлик қуролли шахс етти кишини ўлдирди. Исроил кучлари рейдлар жангариликда гумон қилинганларни нишонга олиш бўйича хавфсизлик чораси эканини билдирмоқда. Исроил ҳукумати ҳужумларда иштирок этган фаластинликларнинг уйларини бульдозер билан бузиб ташлаган.
Изоҳ (0)