Бокс бўйича супер оғир вазн тоифасида собиқ жаҳон чемпиони Энтони Жошуа (24-3-0, 22 КО) навбатдаги жангини Жермейн Франклинга (21-1-0, 14 КО) қарши ўтказади.
Буюк Британия ва АҚШ вакиллари ўртасидаги жанг 1 апрель куни Лондон шаҳрида бўлиб ўтади.
Жошуа 2021 йилнинг сентябрида Олександр Усикка (20-0-0, 16 КО) қарши жанг қилиб, унда ютқазган ва WBA Super, WBO, IBF ҳамда IBO камарларини бой берганди. 2022 йилнинг августидаги реванш жангида ҳам Жошуа енгилган.
Франклин эса сўнгги жангини 2022 йилнинг ноябрида Диллиан Уайтга қарши ўтказган. Унда америкалик боксчи очколар эвазига имкониятни бой берган ва фаолиятидаги илк мағлубиятини қабул қилиб олганди.
Изоҳ (0)